Gujarati News

Gujarati News

News of Wednesday, 27th January 2021

અનંતનાગમાં સૈન્યની રોડ ઓપનિંગ પાર્ટી પર આતંકી હુમલો: ત્રણ જવાન ઘાયલ: એક ગંભીર

અનંતનાગના શામ્શીપુરા નજીક 24 આરઆરની રોડ ઓપનિંગ પાર્ટી પર હુમલો

જમ્મુ-કાશ્મીરમાં સેના પર હુમલો કરવાની બીજી ઘટના પ્રકાશમાં આવી છે. મળતી માહિતી મુજબ અનંતનાગના બિજબેરા વિસ્તારમાં સૈન્યની રોડ ઓપનિંગ પાર્ટી પર આતંકીઓએ હુમલો કર્યો છે. આ હુમલામાં સેનાના ત્રણ જવાનો ઘાયલ થયા છે.

માહિતી અનુસાર, અનંતનાગના શામ્શીપુરા નજીક શ્રીનગર-જમ્મુ હાઇવે પર આતંકીઓએ 24 આરઆરની રોડ ઓપનિંગ પાર્ટી પર હુમલો કર્યો, જેમાં ત્રણ સૈનિકો ઘાયલ થયા હતા. અધિકારીઓએ કહ્યું કે આતંકીઓએ સેનાની રોડ ઓપનિંગ પાર્ટી પર હુમલો કર્યો, જેના જવાબમાં ત્યાં હાજર સૈનિકોએ જવાબી કાર્યવાહીમાં ફાયરિંગ કર્યું. જો કે, આતંકવાદીઓ ત્યાંથી ભાગવામાં સફળ રહ્યા હતા.

અધિકારીઓએ જણાવ્યું કે ઘાયલ સૈનિકોને સારવાર માટે નજીકની હોસ્પિટલમાં દાખલ કરવામાં આવ્યા છે. તેણે કહ્યું કે એક જવાનની હાલત ગંભીર છે. સેનાએ આ વિસ્તારમાં ઘેરો પાડતા આતંકવાદીઓને પકડવા માટે સર્ચ ઓપરેશન શરૂ કર્યું છે.

(12:41 pm IST)
  • ક્રિકેટના દાદા ફરી હોસ્પિટલમાં : બીસીસીઆઇના અધ્યક્ષ સૌરવ ગાંગુલીને ફરી હોસ્પિટલમાં દાખલ કરાયા, ૨ જાન્યુઆરીઓ આવ્યો હતો હ્લદયરોગનો હુમલો access_time 3:09 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST

  • IPLનું ૧૮ ફેબ્રુઆરીએ ચેન્નાઇમાં ઓકશન : આઈપીએલ ૨૦૨૧નું ઓકશન ૧૮ ફેબ્રુઆરીએ ચેન્નાઈમાં યોજાશે : મુંબઈ ઈન્ડિયન, ચેન્નાઈ, કોલકતા સહિત ૮ ટીમો તેમાં ભાગ લેશે : તાજેતરમાં જ દરેક ટીમોએ પોતાના ખેલાડીઓને રીલીઝ અને રીટર્ન કર્યા છે access_time 4:08 pm IST