Gujarati News

Gujarati News

News of Wednesday, 27th January 2021

બ્રિટનમાં હજુય કોરોના ફૂંફાડા મારે છે : મરણાંક ૧ લાખને પાર : વડાપ્રધાને જવાબદારી સ્વીકારી

લંડન, તા. ૨૭ : બ્રિટનમાં કોરોનાથી મરનારા લોકોની સંખ્યા ૧ લાખનો આંકડો વટાવી ચૂકી છે. આ અંગે વડાપ્રધાન બોરીસ જોન્સને જાહેર રીતે જવાબદારી સ્વીકારતા દુઃખ વ્યકત કર્યુ છે.

આ મોતોથી દુઃખી વડાપ્રધાન જોનસને કહ્યું કે હું આની સંપૂર્ણ જવાબદારી સ્વીકારૂ છું. મને આ મોતનું બહુ દુઃખ છે. હું એ બધા પ્રત્યે સંવેદના વ્યકત કરવા માગુ છું. જેમણે આ મહામારીથી પોતાના પ્રિયજનોને ગુમાવ્યા છે. પોતાના મા - બાપ, ભાઈ - બહેન, દિકરા - દીકરી ખોયા છે.

તેમણે એક પ્રેસ કોન્ફરન્સમાં કહ્યું કે અમારા પ્રધાનોએ તેના પર કાબુ મેળવવાનો યથાશકિત પ્રયત્ન કર્યો છે. તેમણે કહ્યું કે મૃતકો પરિવારજનોનું દુઃખ ઓછુ નથી કરી શકાતુ. જોનસને કહ્યું કે આ મહામારીમાંથી દેશને સબ શીખવાની, વિચારવાની અને સુધારવાની તક મળી છે.રાહતની વાત એ છે કે રસી આવ્યા પછી હવે કેસોમાં ઘટાડો થયો છે.બ્રિટનની નેશનલ સ્ટેટેટીકસ ઓફીસના ડેથ સર્ટીફીકેટના આંકડાઓથી એ ખુલાસો થયો છે. અત્યાર સુધીમાં કોરોના વાયરસથી લગભગ ૧,૦૪,૦૦૦ લોકોના મોત થયા છે. રાષ્ટ્રીય આરોગ્ય સેવા પ્રદાતાના સીઈઓ ક્રિસ હોપસને કહ્યું કે કોરોનાથી ૧ લાખથી વધુ મોતનો આંકડો દુઃખદ છે. રસીકરણ માટેના પ્રભારી પ્રધાન નદીય જહાવીએ કહ્યું કે અમે ઈચ્છીએ છીએ કે બધા સમુદાયના લોકો મફત રસીકરણના પ્રસ્તાવને સ્વીકારીને રસી મુકાવવા માટે આગળ આવે.

(11:58 am IST)
  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST

  • વિશ્વમાં 10 કરોડ લોકોને કોરોના વળગી ચૂક્યો છે: વિશ્વભરમાં કોરોના પોઝિટિવ કેસ ની સંખ્યા ૧૦ કરોડને આજે વળોટી ગઈ છે. access_time 8:05 pm IST

  • દિલ્હી હિંસા બાદ કેન્દ્ર સરકાર એકશન મોડમાં: ગૃહમંત્રી અમિત શાહે ઉચ્ચસ્તરીય બેઠક બોલાવી, નરેન્દ્રભાઇ મોદી સાથે પણ કરી શકે છે મુલાકાત, કડક કાર્યવાહીના અપાઇ શકે છે નિર્દેશ access_time 11:50 am IST