Gujarati News

Gujarati News

News of Wednesday, 27th January 2021

બેડમિંટન વર્લ્ડ ફેડરેશનની વર્લ્ડ ટૂર ફાઈનલમાં ભારતનુ પ્રતિનિધિત્વ કરશે શ્રીકાંત અને સિંધુ

નવી દિલ્હી :બેડમિંટન ખેલાડીઓ કિદામ્બી શ્રીકાંત અને પીવી સિંધુ બુધવારથી શરૂ થનારી બેડમિંટન વર્લ્ડ ફેડરેશન (બીડબ્લ્યુએફ) ની વર્લ્ડ ટૂર ફાઈનલમાં ભારતનુ પ્રતિનિધિત્વ કરશે. ગયા અઠવાડિયે ક્વાર્ટર ફાઇનલમાં રત્વાનોક ઈંતાનોન સામે હાર્યા બાદ, સિંધુ થાઇલેન્ડ ઓપનથી બહાર થઈ ગઈ હતી. જ્યારે શ્રીકાંત તેની રૂમ મેટ સાઇ પ્રણીતને કોરોનો-વાયરસ ચેપ લાગ્યો પછી ટૂર્નામેન્ટમાંથી પાછો ફરી ગયો હતો.

 શ્રીકાંતે થાઇલેન્ડ ઓપનમાં સારી શરૂઆત કરી હતી. શ્રીકાંતે 38 મિનિટ સુધી ચાલેલી મેચમાં થાઇલેન્ડની સાઈટથીકોમ થમાસિનને 21-11, 21-11થી હરાવ્યો હતો. વર્લ્ડ ટૂર ફાઇનલમાં સિંધુને મહિલા સિંગલ્સના ગ્રુપ બી માં સ્થાન આપવામાં આવ્યું છે. જ્યારે શ્રીકાંત મેન્સ સિંગલ્સના ગ્રુપ બીમાં છે.

બીડબ્લ્યુએફએ મંગળવારે એક નિવેદનમાં જણાવ્યું હતું કે, 'પુરુષ સિંગલ્સ કેટેગરીના ગ્રુપ બી માં એન્ડર્સ એન્ટોનસેન, વાંગ ત્ઝુ વી (ચાઇનીઝ તાઈપે), કિદામ્બી શ્રીકાંત (ભારત) અને એનજી કા લોંગ એંગસ (હોંગકોંગ ચાઇના) છે."

નિવેદનમાં આગળ કહેવામાં આવ્યું છે કે, 'વર્લ્ડ નંબર 1 તાઈ ત્ઝુ યિંગ (ચાઇનીઝ તાઈપાઇ), રત્વાનોક ઈતાનોન અને પોર્નપાવી ચોચુવાંગ અને વર્લ્ડ ચેમ્પિયન પીવી સિંધુ (ભારત) મહિલા સિંગલ્સ કેટેગરીના ગ્રુપ બીમાં સામેલ છે.'

ગ્રુપ સ્ટેજની બાદ નોકઆઉટ થશે, જેમાં દરેક ગ્રુપના ટોચના બે ખેલાડીઓ સેમિફાઇનલમાં પહોંચશે. આ ટૂર્નામેન્ટ બુધવારે શરૂ થશે અને ફાઈનલ 31 જાન્યુઆરીએ યોજાશે. સ્પેનની કેરોલિના મારિને રવિવારે મહિલા સિંગલ્સની ફાઇનલમાં તાઈ ત્ઝુ યિંગને હરાવીને થાઇલેન્ડ ઓપનનો ખિતાબ જીત્યો હતો. મારિન 48 મિનિટની મેચમાં સીધી બે મેચમાં 21-19, 21-17થી જીતી ગઈ હતી.

ત્રણ વખતની વર્લ્ડ ચેમ્પિયન મારિન એન સે યંગની સાથે મહિલા સિંગલ્સ ગ્રુપ એ માં છે. આ બંને સિવાય જૂથમાં કેનેડાની મિશેલ લી અને એવગેનીયા કોસેત્સ્કાયા પણ શામેલ છે

(12:00 am IST)
  • કલેકટરે ખેડૂતોને ૪૧ પ્રશ્નો અંગે આચાર-સંહિતા સંદર્ભે મીટીંગની 'ના' પાડી દિધી : ભારતીય કિસાન સંઘ આજે ૪૧ પ્રશ્નો અંગે કલેકટર સમક્ષ દોડી આવ્યું હતું: મીટીંગ થનાર હતી પરંતુ કલેકટરે પ્રશ્નોનો કાગળ લઇ આચાર સંહિતા હોય મીટીંગ અને પ્રશ્નોના 'નિકાલ' અંગે હાલ ના પાડી દીધીઃ રાજય ચૂંટણી પંચનું માર્ગદર્શન લઇ બાદમાં મીટીંગ યોજાશે access_time 3:35 pm IST

  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • IPLનું ૧૮ ફેબ્રુઆરીએ ચેન્નાઇમાં ઓકશન : આઈપીએલ ૨૦૨૧નું ઓકશન ૧૮ ફેબ્રુઆરીએ ચેન્નાઈમાં યોજાશે : મુંબઈ ઈન્ડિયન, ચેન્નાઈ, કોલકતા સહિત ૮ ટીમો તેમાં ભાગ લેશે : તાજેતરમાં જ દરેક ટીમોએ પોતાના ખેલાડીઓને રીલીઝ અને રીટર્ન કર્યા છે access_time 4:08 pm IST