Gujarati News

Gujarati News

News of Tuesday, 26th January 2021

લાલ કિલ્લા પર પ્રદર્શનકારીઓના ઝંડા ફરકાવવાનો મામલો સુપ્રીમ કોર્ટ પહોંચ્યો: કાર્યવાહી કરવાની માંગ

મુંબઈ સ્થિત કાયદાના એક વિદ્યાર્થીએ ચીફ જસ્ટિસ ઓફ ઈન્ડિયા (સીજેઆઈ) એસ.એ. બોબડેને પત્ર લખ્યો

નવી દિલ્હી : પ્રજાસત્તાક દિવસે ખેડૂત પરેડ દરમિયાન લાલ કિલ્લાની બાજુએ વિરોધીઓનો ધ્વજ ફરકાવવાનો મામલો સુપ્રીમ કોર્ટમાં પહોંચ્યો છે. મુંબઈ સ્થિત કાયદાના એક વિદ્યાર્થીએ મંગળવારે ચીફ જસ્ટિસ ઓફ ઈન્ડિયા (સીજેઆઈ) એસ.એ. બોબડેને પત્ર લખીને પ્રજાસત્તાક દિનના ખેડૂત ટ્રેક્ટર પરેડ દરમિયાન અહીં લાલ કિલ્લા પર થયેલી હિંસા અંગે આપોઆપ નોંધ (સ્વયં સંજ્ઞાન) લેવા વિનંતી કરી છે. મુંબઈ યુનિવર્સિટીના વિદ્યાર્થી આશિષ રાય દ્વારા લખાયેલા પત્રમાં દાવો કરવામાં આવ્યો છે કે ટ્રેક્ટર પરેડ દરમિયાન “કેટલાક અસામાજિક તત્વો દ્વારા આતંક ફેલાવવામાં આવ્યો હતો.” જે પ્રકારે ભારતના રાષ્ટ્રીય ધ્વજની જગ્યાએ બીજા સમુદાયનો ધ્વજ લહેરાવવામાં આવ્યો હતો, તેનાથી દેશના સન્માન અને ગૌરવને નુકસાન થયું છે.”

પત્રમાં દાવો કરવામાં આવ્યો છે કે આ સમયગાળા દરમિયાન મોટાપાયે જાહેર સંપત્તિને પણ નુકસાન થયું છે. “તે શરમજનક ઘટના છે અને આ ઘટનાથી આખા દેશને દુખ થયું છે.” આ ઘટનાને કારણે દેશના બંધારણની સાથે રાષ્ટ્રધ્વજનું પણ અપમાન કરવામાં આવ્યું છે. આવા કૃત્યોથી ભારતીય નાગરિકોની બંધારણીય ભાવનાઓને ઠેસ પહોંચે છે.” પત્રમાં વિનંતી કરવામાં આવી છે કે, “આ ગેરબંધારણીય કૃત્યમાં સામેલ અસામાજિક તત્વોની કડક તપાસ કરવા અને આરોપીને સજા કરવા માટે આ સમગ્ર મામલામાં એક વિશેષ તપાસ સમિતિની રચના કરવી જોઈએ.”

પ્રજાસત્તાક દિન નિમિત્તે રાષ્ટ્રીય પાટનગરમાં જુદા જુદા સ્થળોએ વિરોધ કરી રહેલા ખેડૂતો અને પોલીસ વચ્ચે અથડામણ જોવા મળી હતી. તેમની ‘ટ્રેક્ટર રેલી’ દરમિયાન મોટી સંખ્યામાં વિરોધપક્ષો લાલ કિલ્લા પહોંચ્યા હતા અને અહીં ખેડૂત સંગઠનોનો ધ્વજ લહેરાવ્યો હતો.
ખેડૂતો લાલ કિલ્લાની બાજુએ પહોંચ્યા, જ્યાં વડાપ્રધાન સ્વતંત્રતા દિવસ પર ત્રિરંગો ધ્વજ લહેરાવીને દેશને સંબોધન કરે છે. ખેડૂતોએ અહીં ખેડૂત સંઘનો ધ્વજ ફરકાવ્યો હતો. આ દરમિયાન પોલીસ દ્વારા તેમને રોકવા અને સમજાવવાનો પ્રયાસ કરવામાં આવ્યો હતો, પરંતુ આંદોલનકારીઓ માન્યા નહોતા

(12:15 am IST)
  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST

  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST

  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST