Gujarati News

નવી દિલ્હીઃ આઇપીએલની મુંબઈ ઈન્ડિયન્સની ટીમના માલિક હવે અમીરાત ક્રિકેટ બોર્ડ (ECB) ની આગામી UAE T૨૦ લીગમાં નવી ફ્રેન્ચાઈઝીની ખરીદશે.

 રિલાયન્સ ઈન્ડિયન પ્રીમિયર લીગ (આઈપીએલ)ની ૫ વખતની ચેમ્પિયન ટીમ મુંબઈ ઈન્ડિયન્સની પણ માલિકી ધરાવે છે.  મુંબઈ ઈન્ડિયન્સના સહ-માલિક નીતા અંબાણીએ જણાવ્યું હતું કે, હું આ નવી લીગ દ્વારા અમારા વૈશ્વિક ચાહકોના આધારને મજબૂત કરવા અને તેમની સાથે લાંબા ગાળાના જોડાણ માટે ઉત્સુક છું. 'અમે અમારા મુંબઈ ઈન્ડિયન્સ બ્રાન્ડના એડવેન્ચર ક્રિકેટને એક નવી ભૂગોળમાં ખૂબ જ ગર્વ અને આનંદ સાથે લઈએ છીએ.  મુંબઈ ઈન્ડિયન્સને પૂરા દિલથી સમર્થન આપવા બદલ અમે ભારત અને વિદેશમાં અમારા પ્રશંસકોના આભારી છીએ.

જ્યારે મુંબઈ ઈન્ડિયન્સ અમારી ક્રિકેટ કામગીરીના કેન્દ્રમાં રહેશે, વૈશ્વિક ટી૨૦ લીગની લોકપ્રિયતા અને UAE માર્કેટનું આકર્ષણ અમને અમારી રમત પ્રબંધન કુશળતાના મૂલ્યને વધુ અનલોક કરવાની અનન્ય તક પૂરી પાડે છે,  તે અમને યુવા આંતરરાષ્ટ્રીય પ્રતિભા વિકસાવવા અને મેદાનમાં અને બહાર શ્રેષ્ઠ પ્રેકિટસ શેર કરવા માટે એક પ્લેટફોર્મ આપે છે.

  રિલાયન્સ ઇન્ડસ્ટ્રીઝ લિમિટેડ, તેની પેટાકંપની રિલાયન્સ સ્ટ્રેટેજિક બિઝનેસ વેન્ચર્સ લિમિટેડ (RSBVL) દ્વારા, UAE ટી૨૦ લીગની ટીમની માલિકી અને સંચાલનના અધિકારો પ્રાપ્ત કરશે.

 રિલાયન્સ ઇન્ડસ્ટ્રીઝના ક્રિકેટ બિઝનેસમાં હવે સ્પોન્સરશિપ, કન્સલ્ટન્સી, બ્રોડકાસ્ટ અને ટેલેન્ટ મેનેજમેન્ટ અને બે ક્રિકેટ કલબનો સમાવેશ થશે.  RIL, મુંબઈ ઈન્ડિયન્સ દ્વારા, ઈન્ડિયન પ્રીમિયર લીગ (IPL) ના આઠ સ્થાપક સભ્યોમાંની એક છે.