Gujarati News

Gujarati News

News of Monday, 26th October 2020

IPL -2020 : રોમાંચક મેચમાં કોલકતા સામે કિંગ્સ ઇલેવન પંજાબનો શાનદાર વિજય

ગેઈલે 51 રન બનાવ્યા : મનેદિપ સિંહે અણનમ 66 રન ફટકાર્યા

ટી-20 લીગની 46મી મેચ આજે  KKR અને KXIPની વચ્ચે શારજહાના મેદાનમાં રમાઈ. પ્રથમ બેટિંગ કરતા કોલકાતાની ટીમે 20 ઓવરમાં 9 વિકેટ ગુમાવી 149 રન બનાવ્યા હતા. કોલકત્તા માટે શુભમન ગિલે સૌથી વધારે 57 રન બનાવ્યા. જ્યારે નિતિ રાણા શુન્ય રન પર મેક્સવેલનો શિકાર થયો હતો. ત્યારબાદ રાહુલ ત્રિપાઠી પણ 7 રનના સામાન્ય સ્કોર પર આઉટ થયો, મોર્ગને બાજી સંભાળતા 40 રન ફટકાર્યા હતા.

કિંગ્સ ઈલેવન પંજાબને જીતવા માટે 150 રનનો ટાર્ગેટ આપ્યો હતો, જે પંજાબે સરળતાથી પાર કરીને જીત મેળવી છે. પંજાબમાં રાહુલ અને મનદીપ સિંહે સારી શરૂઆત કરી હતી. ત્યારે કે.એલ.રાહુલ 28 રને એલબીડબલ્યુ થતાં પ્રથમ પંજાબે ગુમાવી, ત્યારબાદ મનદીપ સિંહ અને ગેઈલે બાજી સંભાળતા પંજાબની આખરે જીત થઈ. બંને ખેલાડીએ અડધીસદી ફટકારી હતી. તે પછી ગેઈલ 51 રન પર ફર્ગુયસનનો શિકાર બન્યો હતો અન મનેદિપ સિંહે અણનમ 66 રન ફટકાર્યા હતા અને પંજાબને 8 વિકેટથી જીત અપાવી હતી.

(11:46 pm IST)
  • પીએસઆઇ શ્વેતા જાડેજાના જામીન હાઇકોર્ટે મંજૂર કર્યા : પીએસઆઇ શ્વેતા જાડેજાના જામીન હાઇકોર્ટે મંજૂર કર્યાનું જાણવા મળે છે. સત્તાવાર વિગતો મેળવાઇ રહી છે. મળતી વિગતો મુજબ એક મોટી કંપનીના અધિકારી ઉપર બળાત્કારનો આરોપ હતો તેની પાસેથી લાખોની રકમ લઈ આંગડીયા મારફત પોતાના બનેવીને જામજોધપુર મોકલવાનો આરોપ હતો. એડવોકેટ વિરાટ પોપટે દલીલ કરી હતી. access_time 5:03 pm IST

  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • ઓક્સફર્ડ-એસ્ટ્રાઝેનેકાએ તેની પ્રાયોગિક કોરોના વેકસીનના પરીક્ષણો પૂર્ણ કરેલ છે અને BMC ટૂંક સમયમાં તેની ક્લિનિકલ ટ્રાયલ્સનો ત્રીજો તબક્કો મુંબઈમાં શરૂ કરશે. access_time 10:02 pm IST