Gujarati News

નવી દિલ્હી,તા. ૨૬: ૩૦ થી વધુ લોકો સાથે ૨૦૦ કરોડની ઠગાઇ કરનાર જીમ સંચાલક રાહુલ નારંગની દિલ્હી ક્રાઇમ બ્રાન્ચે ધરપકડ કરી છે. રાહુલ લોકો સાથે પોતાની મિલ્કત ગિરવે મુકવા અને રોલ્સ રોય તથા બીટલ જેવી મોંઘી કારો વેચવાનો કારસો રચી ઠગાઇ કરી પૈસા મોજ-શોખમાં ઉડાડતો હતો. તેના ઉપર ૫૦ હજારનું ઇનામ પણ હતું.

૨૦૧૮માં ચિતરંજન પાર્કના સુનીલ વર્માએ કાર વેચવાના નામે ૧.૧૫ કરોડની ઠગાઇની ફરીયાદ કરેલ. જો કે સુનીલને એક પણ કાર કે રકમ પરત ન મળેલ. ત્યારબાદ પોલીસે તેની ધરપકડ કરી જેલ હવાલે કરેલ. જામીન પર છૂટ્યા બાદ રાહુલ કોર્ટમાં હાજર ન થતા બીન જામીન લાયક વોરંટ ઇશ્યુ કરાયેલ અને દક્ષીણ દિલ્હીમાં કોઇ ઓળખીતાને મળવા આવતા ફરી ધરપકડ કરવામાં આવેલ.