Gujarati News

Gujarati News

News of Saturday, 26th September 2020

યુપીમાં નરાધમ ઠાકુરોએ દલિત યુવતી પર રેપ કરી જીભ કાપી

કિન્નાખોરી રાખીને ગામના ૪ ઠાકુર યુવાનોનું કૃત્ય : અગાઉ છેડતીની ફરિયાદ કરનાર યુવતી સપ્તાહથી બેહોશ હાલતમાં હોસ્પિટલમાં જીવન-મરણ વચ્ચે ઝોલા ખાય છે

હાથરસ, તા. ૨૬ : ઉત્તર પ્રદેશના હાથરસમાં એક દલિત યુવતી પર ગેંગરેપ કર્યા બાદ ઠાકુર જાતિના હરામખોરોએ એની જીભ કાપી નાખી હતી. જેથી એ કોઈને કશું કહી ન શકે. આ યુવતી હોસ્પિટલમાં જીવનમરણ વચ્ચે ઝોલાં ખાઈ રહી છે. એક અઠવાડિયાથી આ યુવતી બેહોશ પડી હતી. અગાઉ એણે ગામની પોલીસને છેડતીની ફરિયાદ કરી હતી. એ વાતની કિન્નાખોરી રાખીને ગામના ચાર યુવાનોએ એના પર ગેંગરેપ કર્યો હતો અને ત્યારબાદ એની જીભ કાપી નાખી હતી. મેડિકલ તપાસમાં તો એવી પણ વાત બહાર આવી હતી કે આ યુવતીની કરોડરજ્જુ પણ તોડી નાખવામાં આવી હતી. એક અઠવાડિયાથી બેહોશ પડેલી ૧૯ વર્ષની આ યુવતી ૨૧ સપ્ટેમ્બરે હોશમાં આવી હતી. ત્યારબાદ એની મેડિકલ તપાસ કરાઇ હતી..

         છેલ્લા તેર દિવસથી એ અલીગઢની જેએન મેડિકલ કૉલેજ હૉસ્પિટલમા મોત સાથે બાથ ભીડી રહી હતી. એની સ્થિતિ નાજુક હોવાનું ડૉક્ટરોએ કહ્યું હતું. આ અપરાધમાં સંડોવાયેલા મનાતા ત્રણ યુવાનોની પોલીસે ધરપકડ કરી હતી. હાથરસના ચંદપા ગામમાં ચાલુ માસની ૧૪મીએ ગામના ચાર યુવાનોએ બાજરીના ખેતરમાં આ દલિત યુવતીપર ગેંગરેપ કર્યો હતો. પછી ઓળખાઇ જવાના ડરે એની જીભ કાપી નાખી હતી. એ પછી આ દલિત યુવતી નવેક દિવસ સુધી બેહોશ રહી હતી. પોલીસે આરોપીઓ સામે ઇન્ડિયન પીનલ ક઼ૉડની ૩૦૭ મી (હત્યાના પ્રયાસ)ની કલમ લાગુ પાડી હતી.

આ ગામમાં ઠાકુર લોકોની દાદાગીરી માઝા મૂકી રહી હોવાની ફરિયાદો વધી રહી હતી. ગામની વસતિ ૪૫૦ ની છે જેમાં ૧૫૦ ઠાકુરો, ૧૫૦ બ્રાહ્મણો અને ૧૪૦ દલિતો છે.  ૧૪મીએ સવારે આ યુવતી પોતાના ભાઇઓ સાથે જાનવરો માટે લીલો ચારો વાઢી રહી હતી . એનો ભાઇ ચારો લઇને નીકળી ગયો. એની માતા થોડે દૂર ચારો વાઢી રહી હતી ત્યારે આ ચાર યુવાનો એનું મોઢું દબાવીને બાજરીના ખેતરમાં ઉપાડી ગયા હતા. ત્યાં અધમતા આચરી હતી.

(9:17 pm IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST

  • ભારતના પૂર્વ વડાપ્રધાન મનમોહન સિંઘનો આજે જન્મદિવસ : 26 સપ્ટે.1932 ના રોજ પંજાબમાં જન્મ થયો હતો : 2004 થી 2014 ની સાલ દરમિયાન દેશના વડાપ્રધાન તરીકે ફરજ બજાવી હતી : ચોમેરથી શુભ કામનાઓનો વરસી રહેલો ધોધ access_time 12:09 pm IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST