Gujarati News

Gujarati News

News of Saturday, 26th September 2020

નવા વર્ષથી ૫૦,૦૦૦થી વધુના પેમેન્ટ માટે વિગત દેવી પડશે

૧લી જાન્યુઆરીથી શરૂ થશે પોઝિટિવ પે સિસ્ટમ : ચેક પેમેન્ટની પધ્ધતિ બદલાઇ જશે : ચેક જારી કરનારે SMS, મોબાઇલ એપ, ઇન્ટરનેટ બેંકીંગ કે ATM જેવા ઇલેકટ્રોનિક માધ્યમથી ચેક અંગે કેટલીક વિગત દેવી પડશે જેમાં તારીખ, લાભાર્થીનું નામ, મેળવનાર, રકમનો સમાવેશ થાય છે

નવી દિલ્હી તા. ૨૬ : આવતા વર્ષ ૨૦૨૧ના પહેલા દિવસથી જ બેન્કોમાં ચેક દ્વારા ચૂકવણી કરવાની સિસ્ટમમાં ફેરફાર આવી રહ્યા છે. અત્યારે કોઇ વ્યકિત જેને પૈસા ચૂકવવાના હોય તેને ચેક આપી દે છે. પહેલી જાન્યુઆરીથી ચેક દ્વારા ચૂકવણીની વ્યવસ્થામાં કેટલાક ફેરફાર આવી રહ્યા હતા. એ દરેક વ્યકિતએ જાણવા જરૂરી ગણાય. એને પોઝિટિવ પે સિસ્ટમ નામ અપાયું હતું.

ખાસ કરીને પચાસ હજાર રૂપિયાથી વધુ રકમનું પેમેન્ટ કરવાનું હોય ત્યારે મહત્ત્વપૂર્ણ માહિતી આપવાની જરૂર પડશે. એ માટે ચેક આપનાર વ્યકિતએ એસએમએસ, મોબાઇલ એપ, ઇન્ટરનેટ બેંકિંગ કે એટીએમ જેવા માધ્યમ દ્વારા ચેકને લગતી વધારાની માહિતી આપવાની રહેશે. જે પાર્ટીના નામે ચેક આપવામાં આવ્યો હોય એને રકમ ચૂકવવા પહેલાં બેંક જેને ચૂકવણી કરવાની હોય એનું નામ અને ચેકમાં લખેલી રકમ વિશે વધુ એક વાર પૂછપરછ કરીને પાકું કરશે કે ચેક રજૂ કરનાર વ્યકિત એ જ છે જેના નામે ચેક લખવામાં આવ્યો છે. આ રીતે સિકયોરિટી વધારવાની વ્યવસ્થા કરવામાં આવી રહી હતી.

રિઝર્વ બેંક ઓફ ઇન્ડિયાએ કહ્યું હતું કે આ જોગવાઇ જો કે હાલ ફરજિયાત નહીં રહે. જે ખાતાધારકને આ સગવડ જોઇતી હોય એ બેંક પાસે આ સગવડ માગી શકશે. આમ છતાં પાંચ લાખ કે તેથી વધુ રકમના ચેક માટે આ સિસ્ટમ ફરજિયાત થશે. ખાસ કરીને મોટા વેપારીઓ અને ઉદ્યોગપતિઓની સિકયોરિટી આ સગવડથી વધશે એવી આશા રખાઇ રહી હતી. રિઝર્વ બેંક ઓફ ઇન્ડિયાએ બેંકોને કહ્યું હતું કે તમારા ગ્રાહકોને આ સુવિધા વિશે એસએમએસથી જાણ કરો. તમારી તમામ શાખાઓમાં વેબસાઇટ પર અને ઇન્ટરનેટ બેંકિંગની સુવિધામાં પણ આ વાતની જાણ ખાતેદારોને કરો. પહેલી જાન્યુઆરીથી આ જોગવાઇ પોઝિટિવ પે સિસ્ટમ અમલમાં આવશે.

(3:37 pm IST)
  • ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી : મુખ્તારને જેલમાંથી મુક્ત કરો નહીં તો 24 કલાકમાં ખતમ કરી નાખશું : ધમકીમાં અભદ્ર ભાષાનો ઉપયોગ : પોલીસ ચક્રો ગતિમાન : આરોપી હાથવેંતમાં હોવાનો દાવો access_time 12:44 pm IST

  • ભારતના પૂર્વ વડાપ્રધાન મનમોહન સિંઘનો આજે જન્મદિવસ : 26 સપ્ટે.1932 ના રોજ પંજાબમાં જન્મ થયો હતો : 2004 થી 2014 ની સાલ દરમિયાન દેશના વડાપ્રધાન તરીકે ફરજ બજાવી હતી : ચોમેરથી શુભ કામનાઓનો વરસી રહેલો ધોધ access_time 12:09 pm IST

  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST