Gujarati News

Gujarati News

News of Saturday, 26th September 2020

ABPનો સર્વે

બિહારમાં ફરી એક વખત નીતીશ સરકારઃ ૧૪૧ થી ૧૬૧ બેઠકો

યૂપીએના ખાતામાં ૬૪થી ૮૪ બેઠકો આવી શકે છે અને અન્યના ખાતામાં ૧૩થી લઈને ૨૩ બેઠકો મળવાની શકયતા છે

નવી દિલ્હી, તા.૨૬: એબીપી ન્યૂઝ સી વોટર સર્વેમાં બિહારમાં ફરી એક વખત નીતીશ કુમારની સરકાર બનવાની શકયતા છે. ચાર વિસ્તારોના પરિણામમાં એનડીએને બમ્પર જીત મળતી જોવા મળી રહી છે.

બિહાર વિધાનસભાની ૨૪૩ બેઠકોમાં ૧૪૧થી ૧૬૧ બેઠકો એનડીએના ખાતામાં જતી જોવા મળી રહી છે. યૂપીએના ખાતામાં ૬૪થી ૮૪ બેઠકો આવી શકે છે અને અન્યના ખાતામાં ૧૩થી લઈને ૨૩ બેઠકો મળવાની શકયતા છે.

૨૦૧૫માં એનડીએને ૩૦.૪% અને યૂપીએને ૪૬.૭% મત મળ્યા હતા પરંતુ ૨૦૨૦માં એનડીએનો વોટ શેર ૪૪.૩% જયારે યૂપીએનો ૩૪.૪% રહેવાની આશા છે.

મિથિલાંચલની ૫૦ બેઠકોમાંથી એનડીએને ૨૭-૩૧ બેઠકો મળી શકે છે. આ વિસ્તારમાં પણ મહાગઠબંધનને મોટું નુકસાન થાય તેમ જોવા મળી રહ્યું છે.

સીમાંચલની ૨૪ બેઠકોમાંથી એનડીએને ૧૮ બેઠકો મળવાની શકયતા છે. આ ક્ષેત્રમાં લાલૂ યાદવની પાર્ટી આરજેડીને ખૂબ જ મોટું નુકસાન થવાની શકયતા છે.

બિહાર વિધાનસભાની ચૂંટણીની તારીખો આજે જાહેર થઈ ગઈ છે. ત્રણ તબક્કામાં મતદાન થશે. પ્રથમ તબક્કામાં ૨૮ ઓકટોબરે ૭૧ બેઠકો પર મતદાન થશે. બીજા તબક્કામાં ૩ નવેમ્બરે ૯૪ બેઠકો પર મતદાન થશે. ત્રીજા તબક્કામાં ૭ નવેમ્બરે ૭૮ બેઠકો પર મતદાન યોજાશે. ૧૦ નવેમ્બરે બિહાર વિધાનસભા ચૂંટણીના પરિણામ જાહેર થશે.

(10:51 am IST)
  • ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી : મુખ્તારને જેલમાંથી મુક્ત કરો નહીં તો 24 કલાકમાં ખતમ કરી નાખશું : ધમકીમાં અભદ્ર ભાષાનો ઉપયોગ : પોલીસ ચક્રો ગતિમાન : આરોપી હાથવેંતમાં હોવાનો દાવો access_time 12:44 pm IST

  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST

  • રામોજી ગ્રુપના અધ્યક્ષ રામોજી રાવે એસપી બાલાસુબ્રમણ્યમના નિધન પર શોક વ્યક્ત કર્યો: રામોજી રાવે કહ્યું, 'હું નિરાશ છું કે બાલાસુબ્રમણ્યમ હવે નથી. તે મારા નિકટના મિત્ર હતા. એક પ્રખ્યાત ગાયક જ નહીં, તે મારા ભાઈ જેવા હતા. તે મને પ્રેમથી ગળે લગાવતા હતા access_time 1:05 pm IST