Gujarati News

Gujarati News

News of Saturday, 26th September 2020

લેહ-લદાખ :૫.૬ની તીવ્રતાના ધરતીકંપથી લોકોમાં ગભરાટ

જમ્મુ-કાશ્મીરમાં ધરતી ધણધણી : કોઈ જાનહાની ન થઇ : લોકો ઘરની બહાર દોડી આવ્યા

શ્રીનગર, તા. ૨૫ : શુક્રવારે બપોરે લેહ-લદાખ વિસ્તારમાં ૫..૬ ની તીવ્રતાનો ભુકંપ અનુભવાયો હોવાની નેશનલ સેન્ટર ફોર સિસ્મોલોજી દ્વારા આ માહિતી આપવામાં આવી છે. ભૂકંપના જોરદાર આંચકા બાદ સ્થાનિક લોકોમાં દોડધામ મચી ગઈ હતી. આ જ મહિનામાં ૮ સપ્ટેમ્બરના રોજ લદ્દાખના કારગિલમાં ભૂકંપના આંચકા અનુભવાયા હતા. તેની તીવ્રતા ૪.૪ હતી. આ પહેલા ૩૧ ઓગસ્ટે લેહ-લદાખમાં ભૂકંપ આવ્યો હતો. તે સમય દરમિયાન તીવ્રતા ૪.૩ નોંધાઈ હતી. ગુરુવારે સવારે જમ્મુ-કાશ્મીરમાં હળવા આંચકા અનુભવાયા હતા.

            ભૂકંપની તિવ્રતા ૩..૭ ની હતી. ભૂકંપને કારણે કોઈ જાન-માલનું નુકસાન થયું નથી, જોકે લોકો ગભરાટના કારણે ઘરની બહાર આવી ગયા હતા. નેશનલ સેન્ટર ઓફ સિસ્મોલોજી મુજબ ગુરુવારે સવારે ૮.૧૯ વાગ્યે જમ્મુ-કાશ્મીરમાં ૩.૭ ની તીવ્રતાનો ભુકંપનો આંચકો અનુભવાયો હતો. ભૂકંપનું કેન્દ્ર ગુલમર્ગથી ૨૮૧ કિમી ઉત્તરમાં હતું. આ મહિનામાં જમ્મુ-કાશ્મીરમાં બે વાર આંચકા અનુભવાયા છે. આ પહેલા ૧૧ સપ્ટેમ્બરે જમ્મુ-કાશ્મીરમાં હળવા આંચકા અનુભવાયા હતા. ત્યારબાદ ભૂકંપની તીવ્રતા રિક્ટર સ્કેલ પર ૪.૩ રહી હતી.

(8:44 am IST)
  • ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી : મુખ્તારને જેલમાંથી મુક્ત કરો નહીં તો 24 કલાકમાં ખતમ કરી નાખશું : ધમકીમાં અભદ્ર ભાષાનો ઉપયોગ : પોલીસ ચક્રો ગતિમાન : આરોપી હાથવેંતમાં હોવાનો દાવો access_time 12:44 pm IST

  • રામોજી ગ્રુપના અધ્યક્ષ રામોજી રાવે એસપી બાલાસુબ્રમણ્યમના નિધન પર શોક વ્યક્ત કર્યો: રામોજી રાવે કહ્યું, 'હું નિરાશ છું કે બાલાસુબ્રમણ્યમ હવે નથી. તે મારા નિકટના મિત્ર હતા. એક પ્રખ્યાત ગાયક જ નહીં, તે મારા ભાઈ જેવા હતા. તે મને પ્રેમથી ગળે લગાવતા હતા access_time 1:05 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST