Gujarati News

નવી દિલ્હીઃ દર બીજા દિવસે એક નવો રેકોર્ડ બની રહ્યો છે. એનું કારણ એ છે કે મુખ્ય તેલ ઉત્પાદક દેશોએ તેનો ઈનકાર કરી દીધો છે. તેમના આ નિર્ણયથી કાચું તેલ 80 ડૉલર પ્રતિ બેરલથી ઉપર નીકળી ગયું છે. ગ્લોબલ એનાલિસ્ટોનું કહેવું છે કે અમેરિકાના પ્રતિબંધના કારણે ઈરાનથી આપૂર્તિમાં ઘટાડા બાદ 100 પ્રતિ બેરલને પાર જવાના અણસાર નજરે પડી રહ્યા છે.

મંગળવારે મુંબઈમાં પેટ્રોલની કિંમત 90.22 રુપિયા પ્રતિ લીટર થઈ ગઈ, જ્યારે ડીઝલ વધીને 78.69 રુપિયા પ્રતિ લીટર પહોંચી ગયું. દિલ્હીમાં પેટ્રોલ અને ડીઝલની કિંમત ક્રમશઃ 82.86 અને 74.12 રુપિયા પ્રતિ લીટર થઈ ગઈ. સરકારે પહેલા જ ખજાનાની સ્થિતિને જણાવીને એક્સાઈઝ ડ્યુટી ઘટાડવાનો ઈનકાર કરી દીધો છે.

રશિયાની આગેવાનીમાં તેલ ઉત્પાદક અને નિર્યાત કરતા દેશો (OPEC) અને તેમના સહયોગી પાછલા અઠવાડિયે નિર્ણય કર્યો હતો કે પ્રતિબંધથી પ્રભાવિત ઈરાનથી આપૂર્તિમાં થનારો કોઈ પણ ઘટાડો પૂર્ણ કરવા માટે ઉત્પાદન નહીં વધારાય. આ પછી સોમવારે ક્રૂડ ઓઈલ પ્રાઈઝમાં 2 ડૉલર પ્રતિ બેરલ વધીને 81 ડૉલર પ્રતિ બેરલ સુધી પહોંચી ગયો.

સાઉદી અરબે દલીલ કરી છે કે આપૂર્તિને લઈને એવી કોઈ સમસ્યા નથી, જેના કારણે ઉત્પાદનમાં વધારો કરવો પડે અને તમામ દેશો પોતાની જરુરિયાતો પ્રમાણે ક્રૂડ ઓઈલ મળી રહ્યું છે. OPECના નિર્ણયને અમેરિકાના રાષ્ટ્રપ્રમુખ ટ્રમ્પ માટે ઝાટકા તરીકે જોવામાં આવે છે, જે તેલ કંપનીઓ પર કાબૂ મેળવવા માટે તત્કાલ આપૂર્તિ વધારવાની માંગ કરી હતી. પેટ્રોલિયમ સંબંધિત પ્રતિબંધોના કારણે ઈરાનથી ઓઈલ એક્સપોર્ટ ઝડપથી ઘટી રહ્યું છે, જે 4 નવેમ્બરે પ્રભાવી થશે.

OPEC અને સહયોગીઓના ઉત્પાદન વધારવાનો ઈનકાર કર્યા પછી અટકળો લગાવવામાં આવી રહી છે કે આગામી વર્ષની શરુઆત સુધી ક્રૂડ ઓઈલ 100 ડૉલર પ્રતિ બેરલને પાર જઈ શકે છે. બ્લુમબર્ગના રિપોર્ટ મુજબ, ટ્રેફિગુરાના કો-હેડ (ઓઈલ ટ્રેડિંગ) બેન લુકોકને એક કોન્ફરન્સમાં જણાવ્યું હતું કે ક્રિસમસ સુધી ક્રૂડ ઓઈલ 90 ડૉલર પ્રતિ બેરલ અને 2019ની શરુઆતમાં $100 પ્રતિ બેરલ સુધી જઈ શકે છે. નોંધનીય છે કે, ભારત પોતાની જરુરિયાતને લગભગ 83 પર્સેન્ટ ક્રૂડ ઓઈલ ઈમ્પોર્ટ કરે છે. તેની મુશ્કેલી ડૉલર પ્રમાણે સતત નબળાઈ આવી રહેલા રુપિયાના કારણે પણ વધી રહી છે. સોમવારે ડૉલર મુજબ રુપિયાનો ઘટાડો 72.50ના સ્તરને પાર થઈ ગયો હતો.

કાચા તેલની સતત વધતી કિંમત અને રુપિયો ગગડવાની બન્ને બાબતો ભારત માટે મુશ્કેલી બન્યા છે. તેમાંથી બહાર આવવા માટે સરકાર આવનારા દિવસોમાં કોઈ મજબૂત પગલું ભરી શકે છે. જેમાં તેલની આયાતા પર ઘટાડો કરવા પર પણ વિચાર કરવામાં આવી રહ્યો છે. ભારત દુનિયાનો ત્રીજો સૌથી મોટી તેલની આયાત કરતો દેશ છે અને ભારત ઈરાન પાસેથી મોટા પ્રમાણમાં તેલ ખરીદે છે.