Gujarati News

અમેરિકાની સુપ્રીમ કોર્ટે મુસ્લિમ બહુસંખ્યક દેશો પર રાષ્ટ્રપતિ ડોનાલ્ડ ટ્રમ્પ દ્વારા લગાવવામાં આવેલા ટ્રાવેલ પ્રતિબંધને યોગ્ય ગણાવ્યો છે. આ નિર્ણયને ટ્રમ્પ પ્રશાસનની મોટી જીત માનવામાં આવી રહી છે. ટ્રમ્પ ટ્વિટ કરીને આ વિશે જાણકારી આપી હતી. તેમણે પોતાનું રિએક્શન વાઉ લખીને જાહેર કર્યું હતું. સુપ્રીમ કોર્ટે મંગળવારે નીચલી કોર્ટનો નિર્ણય 5-4થી પલટાવી નાખ્યો હતો.

સુપ્રીમ કોર્ટે કહ્યું હતું કે આ પ્રતિબંધ અમેરિકન કાનૂન કે એક ધર્મ ઉપર બીજા ધર્મને સરકારી અગ્રીમતા આપવા અમેરિકાના સંવિધાનના પ્રથમ સંશોધનનો ભંગ કરે છે તેમ સાબિત કરવામાં અરજી કર્તા અસફળ રહ્યા છે.