Gujarati News

Gujarati News

News of Sunday, 26th May 2019

પરિવહન ક્ષેત્રમાં ૩૦ લાખ કરોડનું જંગી રોકાણ કરાશે

બુલેટ ટ્રેનને સર્વોચ્ચ પ્રાથમિકતા આપવા તૈયારી : દેશમાં બુલેટ ટ્રેનથી લઇને સાગરમાલા માટેની ફાળવણી વધારવામાં આવશે : રેલવે, માર્ગો, બંદરને વધારે મહત્વ

નવી દિલ્હી, તા. ૨૬  : પ્રચંડ બહુમતિ સાથે કેન્દ્રમાં સત્તામાં વાપસી કરનાર મોદી સરકાર પરિવહનના ક્ષેત્રમાં આશરે ૩૦ લાખ કરોડ રૂપિયાની ફાળવણી કરી શકે છે. બુલેટ ટ્રેનથી લઇને સાગરમાલા માટે ફાળવણી કરવામાં આવશે. આ રકમ અર્થવ્યવસ્થાને ગતિ આપવા તથા રોજગારને વધારવા માટે મૂળભૂત માળખાકીય ક્ષેત્રમાં ૧૦૦ લાખ કરોડ રૂપિયાના રોકાણનો એક હિસ્સો છે. ચૂંટણી ઘોષણાપત્ર જારી કરીને ભાજપ દ્વારા થોડાક સમય પહેલા જ આ અંગેની માહિતી આપવામાં આવી હતી. પરિવહનના ક્ષેત્રને થતી ફાળવણીની રકમમાં વધારો કરવામાં આવી રહ્યો છે. સૌથી વધારે મૂડીરોકાણ રેલવે, નદીઓની આજુબાજુના વિકાસ તથા રાજમાર્ગોના વિસ્તાર ઉપર ખર્ચ કરવામાં આવનાર છે. આ ઉપરાંત સંરક્ષણ ક્ષેત્રના આધુનિકીકરણ માટે નવ લાખ કરોડ રૂપિયાની જરૂર છે તે પણ યોજનાના એક હિસ્સા તરીકે છે. બુલેટ ટ્રેન તથા ડેડીકેટેડ ફ્રેટ કોરિડોર માટે નવા કોરિડોરના નિર્માણમાં ૧૦ લાખ કરોડ રૂપિયાના રોકાણનો અંદાજ રહેલો છે. આગામી ત્રણ વર્ષમાં બંદર ક્ષેત્રમાં આશરે ત્રણ લાખ કરોડ રૂપિયાનું રોકાણ કરવામાં આવી શકે છે જેમાં મોટી રકમ સાગરમાલા યોજનામાં લગાવવામાં આવશે. ઓછા મૂડીરોકાણને લઇને ચિત્ર સ્પષ્ટ થઇ રહ્યું છે. ક્ષેત્રવાર ફાળવણીમાં વધારો કરવામાં આવનાર છે. મૂડી ખર્ચ અંદાજમાં બજેટ ફાળવણી ઉપરાંત વાયવીલીટી ગેપ ફંડિંગ તથા ખાનગી ક્ષેત્રની કંપનીઓ દ્વારા મૂડીરોકાણ મારફતે સમર્થનને પણ સામેલ કરવાની વાત રહેલી છે. પરિવહનના ક્ષેત્રમાં ૩૦ લાખ કરોડ રૂપિયાનું રોકાણ કરાશે. બુલેટ ટ્રેનને સર્વોચ્ચ પ્રાથમિકતા સાથે વહેલીતકે શરૂ કરવા ઉપર ધ્યાન કેન્દ્રિત કરવામાં આવનાર છે. આના માટે તમામ પ્રાથમિકતાઓ નક્કી કરવામાં આવી રહી છે. દેશમાં રોકાણની ગતિને ઝડપી કરાશે.

(7:44 pm IST)
  • મધ્યપ્રદેશમાં કમલનાથસ સામે બગાવતી સુર :કેબિનેટમંત્રી બોલ્યા ,,હવે સમય આવી ગયો છે કે મહારાજને રાજ્યની કમાન સોંપી દેવાય :મધ્યપ્રદેશના મહિલા અને બાલ વિકાસમંત્રી ઈમરતી દેવીએ રાજ્યના મુખ્યમંત્રી કમલનાથ વિરુદ્ધ મોરચો ખોલ્યો :અને કહ્યું કે મહારાજ એટલે કે જ્યોતિરાદિત્ય સિંધિયાને રાજ્યની ધુરા સોંપી દેવી જોઈએ : access_time 1:20 am IST

  • અભિનેતા કરણ ઓબેરોય પર દુષ્કર્મનો આરોપ લગાવનાર મહિલા પર તીક્ષ્ણ હથિયારથી હુમલો ;પીડિત મહિલા પોલીસમાં નોંધાવી ફરિયાદ :મુંબઈ પોલીસે કહ્યું જો જરૂર જણાયે પીડિતાને સુરક્ષા ઉપલબ્ધ કરાવાશે access_time 1:23 am IST

  • ટીએમસીના ધારાસભ્ય શુભ્રાંશુ રોય ભાજપમાં જોડાશે : પશ્વિમ બંગાળના મુખ્ય પ્રધાન મમતા બેનર્જીને મોટો ઝાટકો લાગશે :મમતા બેનર્જીએ આજે શુભ્રાંશુ રોયને પાર્ટીમાંથી સસ્પેન્ડ કર્યા ;હવે શુભાંશુ રોય કેસરિયો ખેસ ધારણ કરવાની તૈયારીમાં access_time 11:07 am IST