Gujarati News

Gujarati News

News of Sunday, 26th May 2019

ટૂંકમાં ઇટીએફ નાણાંકીય સંસ્થાના શેર લાવી શકે છે

નાણાં મંત્રાલય દ્વારા યોજના તૈયાર

નવી દિલ્હી, તા.૨૬ : નાણામંત્રાલય ચાલુ નાણાંકીય વર્ષમાં જાહેર ક્ષેત્રોની બેંકો તથા નાણાંકીય સંસ્થાઓના શેરને લાવીને એક્સચેંજ ટ્રેડેડ ફંડની રજૂઆત કરી શકે છે. મંત્રાલય તરફથી આ અંગેની માહિતી આપવામાં આવી છે. કેન્દ્રીય લોક ઉપક્રમ ઇટીએફ તથા ભારતના ૨૨ ઇટીએફની સફળતા બાદ સરકાર જાહેર ક્ષેત્રોની બેંકો તથા નાણાંકીય સંસ્થાઓના શેરને મળાવીને ઇટીએફ લાવવાની સાથે તેનું નેટવર્ક વધારે તેવી શક્યતા દેખાઈ રહી છે. જાણકાર સુત્રોએ કહ્યું છે કે, અમે જાહેર ક્ષેત્રોની બેંકોના શેરને લઇને ઇટીએફ લાવવાના સંદર્ભમાં સૂચનો માટે ટૂંકમાં જ નિષ્ણાતોની નિમણૂંક કરીશું. સરકારે બે વર્તમાન ઇટીએફની સારી માંગને ધ્યાનમાં લઇને બેંક ઇટીએફ રજૂ કરવાની યોજના તૈયાર કરી છે. હાલમાં જાહેર ક્ષેત્રની બે વિમા કંપની જનરલ ઇન્સ્યોરન્સ કોર્પોરેશન ઓફ ઇન્ડિયા તથા ન્યુ ઇન્ડિયા ઇન્સ્યોરન્સનો સમાવેશ થાય છે. ભારત-૨૨ ઇટીએફ ૨૦૧૭માં શરૂ થયા બાદ તેની ચર્ચા છે.

(7:43 pm IST)
  • સુરત : સરથાણા અગ્નિકાંડ પ્રકરણમાં પોલીસ સ્થાનિક લોકો વચ્ચે મેયરના રાજીનામાને પ્રશ્ને દેકારો પોલીસ દ્વારા મધ્યસ્થી બની મામલો શાંત પાડવાના પ્રયાસ : સ્થાનિકોએ સ્થળ પર ધરણા યોજ્યા access_time 2:52 pm IST

  • માત્ર હિન્દીભાષી રાજ્યો જ ભારત નથી :કેન્દ્ર સરકાર એકપણ રાજ્યની અવગણના નહિ કરી શકે ;ચૂંટણીમાં ભવ્ય વિજય બાદ ડીએમકે અધ્યક્ષ એમ,કે,સ્ટાલિનના તીખા તેવર ;લોકસભા ચૂંટણીમાં તામિલનાડુમાં પોતાની પાર્ટીના પ્રદર્શનથી ઉત્સાહિત સ્ટાલીને કહ્યું કે તેની પાર્ટી અન્ય રાજ્યોમાં પ્રાદેશિક પક્ષ સાથે મળીને ભાજપનો મુકાબલો કરશે access_time 11:09 am IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST