Gujarati News

Gujarati News

News of Saturday, 25th May 2019

યુપીમાં કોંગ્રેસને જબરો ઝટકો :સોનિયા અને રાહુલ સહિત માત્ર ચાર ઉમેદવારો ડિપોઝીટ બચાવી શક્યા

સોનિયા, રાહુલ સાથે ઈમરાન મસૂદ અને શ્રીપ્રકાશ જયસ્વાએ ડિપોઝીટ બચાવી

 

નવી દિલ્હી :દેશના સૌથી મોટા રાજ્ય ઉત્તર પ્રદેશમાં દેશની સૌથી જૂની પાર્ટીની હાલત સૌથી ખરાબ થઇ છે અહીં કોંગ્રેસને ફક્ત એક બેઠક મળી છે અને કોંગ્રેસના માત્ર  4 ઉમેદવારો પોતાની ડિપોઝીટ બચાવી શક્યા છે બાકીના ઉમેદવારોની ડિપોઝીટ પણ જપ્ત થઈ છે 

 રાહુલ ગાંધી પોતાની પરંપરાગત બેઠક અમેઠી પણ ગુમાવી બેઠા. સોનિયા ગાંધીએ રાયબરેલીની બેઠક જીતીને નાક બચાવ્યું. કોંગ્રેસની આટલી ખરાબ હાલત ઈમરજન્સી સમયે થઈ હતી. તે વખતે 1977માં પાર્ટીને યુપીમાં એક પણ બેઠક મળી નહતી.

  આખા ઉત્તર પ્રદેશમાં કોંગ્રેસના ફક્ત 4 ઉમેદવારો પોતાની ડિપોઝીટ બચાવી શક્યાં. જેમાં સોનિયા ગાંધી, રાહુલ ગાંધી, ઈમરાન મસૂદ અને શ્રીપ્રકાશ જયસ્વાલ સામેલ છે. રાયબરેલીમાં સોનિયાને 5,34,918 મત મળ્યાં જે કુલ મતોના 55.8 ટકા હતાં. અમેઠીમાં રાહુલ ગાંધીને 4,13,394 મત (43.86%), કાનપુરથી શ્રીપ્રકાશ જયસ્વાલને 3,13,003 મત (37.13%), સહારનપુરથી ઈમરાન મસૂદને 2,07,068 મત (16.81%) મળ્યાં હતા

(12:17 am IST)
  • મારે રાજીનામુ આપવું છે પણ પાર્ટી સહમત નથી : ચૂંટણીના પરિણામો બાદ પત્રકારો સાથેની વાતચીતમાં પશ્ચિમ બંગાળના મુખ્ય મંત્રી મમતા બેનરજીએ જણાવેલ કે હું મુખ્ય મંત્રી તરીકે રાજીનામુ આપવા માંગતી હતી પણ મારો પક્ષ સહમત થયો ન હતો. access_time 10:19 pm IST

  • સુરત : સરથાણા અગ્નિકાંડ પ્રકરણમાં પોલીસ સ્થાનિક લોકો વચ્ચે મેયરના રાજીનામાને પ્રશ્ને દેકારો પોલીસ દ્વારા મધ્યસ્થી બની મામલો શાંત પાડવાના પ્રયાસ : સ્થાનિકોએ સ્થળ પર ધરણા યોજ્યા access_time 2:52 pm IST

  • ટીએમસીના ધારાસભ્ય શુભ્રાંશુ રોય ભાજપમાં જોડાશે : પશ્વિમ બંગાળના મુખ્ય પ્રધાન મમતા બેનર્જીને મોટો ઝાટકો લાગશે :મમતા બેનર્જીએ આજે શુભ્રાંશુ રોયને પાર્ટીમાંથી સસ્પેન્ડ કર્યા ;હવે શુભાંશુ રોય કેસરિયો ખેસ ધારણ કરવાની તૈયારીમાં access_time 11:07 am IST