Gujarati News

Gujarati News

News of Saturday, 26th May 2018

પાર્ટી અને ગઠબંધનની સહયોગી કોંગ્રેસ પાર્ટી વચ્‍ચે વિભાગોની વહેંચણીને લઇને કેટલાક મતભેદ છે : કર્ણાટકના મુખ્‍યમંત્રી

બેંગલુરુઃ પાર્ટી અને ગઠબંધનની સહયોગી પાર્ટી કોંગ્રેસ વચ્‍ચે વિભાગોની વહેંચણીને લઇને કેટલાક મતભેદ છે તેમ કર્ણાટકના મુખ્‍યમંત્રીએ એક નિવેદનમાં જણાવ્‍યું હતું તેમણે વધુમાં કહ્યું હતું કે  ગઠબંધનની સહયોગી કોંગ્રેસ વચ્ચે વિભાગોની વહેંચણીને લઈને કેટલાક મતભેદ છે, પરંતુ તેવું કશું નથી જેનાથી સરકારને ખતરો હોય

કર્ણાટકના મુખ્યપ્રધાન એચડી કુમારસ્વામીએ રાજ્ય વિધાનસભામાં બહુમત સાબિત કર્યા બાદ પ્રદેશ કોંગ્રેસ નેતા પાર્ટી હાઈ કમાન્ડની સાથે કેબિનેટ વિસ્તાર અને પ્રભાર વહેંચણીના મુદ્દા પર ચર્ચા માટે શનિવારે દિલ્હી રવાના થઈ ગયા. કર્ણાટકના ઉપ મુખ્યપ્રધાન અને પ્રદેશ કોંગ્રેસ કમિટીના પ્રમુખ જી પરમેશ્વર, પૂર્વ સીએમ સિદ્ધરમૈયા અને ડી કે શિવકુમાર સહિત કોંગ્રેસના નેતાઓને કોંગ્રેસ અધ્યક્ષ રાહુલ ગાંધી અને સોનિયા ગાંધી સાથે ચર્ચા કરવાની આશા છે

એચડી કુમારસ્વામીએ મીડિયા સાથે વાત કરતા કહ્યું, તેની પાર્ટી અને ગઠબંધનના સહયોગી કોંગ્રેસ વચ્ચે વિભાગોની વહેંચણીને લઈને મતભેદ છે, પરંતુ તેનાથી અમારી સરકાર પર કોઈ ખતરો નથી. કુમારસ્વામીએ તે પણ કહ્યું, હું તેને પ્રતિષ્ઠાનો મુદ્દો બનાવવાનો પ્રયત્ન નહીં કરું અને સમસ્યાનો ઉકેલ લાવવાનો પ્રયત્ન કરીશ. રાજ્યના કોંગ્રેસ નેતાઓને કોંગ્રેસ હાઈ કમાન્ડની મંજૂરી બાદ કેબિનેટનો વિસ્તાર કરવામાં આવશે

મહત્વનું છે કે, કર્ણાટક વિધાનસભામાં ગઠબંધન દ્વારા બહુમત સાબિત કર્યા બાદ કેબિનેટ વિસ્તારના મુદ્દા પર કોંગ્રેસ અને જેડીએસ વચ્ચે ખેંચતાણ શરૂ થઈ ગઈ છે. કર્ણાટક કોંગ્રેસના ઘણા નેતાઓ શનિવારે કેબિનેટ વિસ્તાર અને વિભાગોની વહેંચણી સંબંધિત મુદ્દા પર પાર્ટી હાઈ કમાન્ડ સાથે ચર્ચા કરવા માટે દિલ્હી રવાના થઈ ગયા છે

(12:12 am IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST