Gujarati News

Gujarati News

News of Saturday, 26th May 2018

કોંગ્રેસ સાથે પ્રિપોલ જોડાણ કરવાની માયાની હિલચાલ

બસપ માયાવતીને પીએમ ઉમેદવાર બનાવશે : મધ્યપ્રદેશ, રાજસ્થાન અને છત્તીસગઢમાં વિધાનસભાની ચૂંટણીમાં કોંગ્રેસ સાથે જોડાણ કરવાની પ્રાથમિક તૈયારી

નવી દિલ્હી,તા. ૨૬ : વર્ષ ૨૦૧૯માં યોજાનારી લોકસભાની ચૂંટણીને લઈને તમામ રાજકીય પક્ષો અત્યારથી જ પોત પોતાની તૈયારીમાં લાગી ગયા છે. વિપક્ષી એકતાના પ્રયાસો પણ થઈ રહ્યા છે પરંતુ આને મોટો ફટકો પડે તેવા સંકેત દેખાઈ રહ્યા છે. કારણ કે બહુજન સમાજ પાર્ટીના વડા માયાવતીને પાર્ટીના વડાપ્રધાન પદના ઉમેદવાર તરીકે જાહેર કરવામાં આવી શકે છે. અલબત્ત પાર્ટીને છેલ્લી સામાન્ય ચૂંટણીમાં સંસદના નીચલા ગૃહમાં એક પણ સીટ મળી ન હતી છતાં પાર્ટી માયાવતીને વડાપ્રધાન પદના ઉમેદવાર તરીકે પ્રોજેક્ટ કરવા વિચારી રહી છે. આ સંદર્ભમાં નિર્ણય કોઈપણ સમયે કરવામાં આવી શકે છે. બહુજન સમાજ પાર્ટીની રાષ્ટ્રીય કોરોબારીની બેઠકમાં જુદા જુદા પાસાઓ ઉપર ચર્ચા થઈ રહી છે. ૨૦૧૯ની લોકસભા ચૂંટણીને લઈને ભાજપને પરાજિત કરવાના હેતુસર તમામ વિરોધ પક્ષો એક થઈ રહ્યા છે ત્યારે નેતૃત્વના મુદ્દા ઉપર પહેલાથી જ ખેંચતાણ શરૂ થઈ ચુકી છે. ભાજપ શાસિત મધ્યપ્રદેશ, રાજસ્થાન અને છત્તીસગઢમાં આગામી વિધાનસભાની ચૂંટણીમાં કોંગ્રેસ સાથે પ્રિપોલ જોડાણની શક્યતા ચકાસવામાં આવી રહી છે. માયાવતીએ છેલ્લા થોડાક સપ્તાહમાં દિલ્હીમાં શ્રેણીબદ્ધ બેઠકો યોજી છે. વ્યૂહરચના ઉપર ચર્ચા કરી છે. આગામી રાજ્ય ચૂંટણીઓ માટે નવી નવી વ્યૂહરચના ઉપર નેતાઓ સાથે વાતચીત કરવામાં આવી છે. ઉમેદવારોની યાદી ઉપર પણ વાતચીત થઈ રહી છે. બહુજન સમાજ પાર્ટી ઉત્તરપ્રદેશમાંથી બહાર નીકળીને રાષ્ટ્રીય સ્તર ઉપર ભૂમિકા ભજવવા માટે તૈયાર છે. બસપે હાલમાં જ કર્ણાટકમાં ચુંટણી પહેલા જોડાણ માટે જનતાદળ સેક્યુલર સાથે હાથ મિલાવ્યા હતા અને કર્ણાટકમાં એક સીટ જીતી લીધી હતી. જોકે માયાવતીને વડાપ્રધાન પદના ઉમેદવાર તરીકે પ્રોજેક્ટ કરવાને લઈને રાજકીય પક્ષો હાસ્યાસ્પદ નિવેદનો કરી રહ્યા છે. લોકસભામાં એકપણ સીટ ન મેળવનાર પાર્ટી પણ વડાપ્રધાન પદના ઉમેદવારની વાત કરે છે જે ખૂબ હાસ્યાસ્પદ અને લાલચી છે.

(7:33 pm IST)
  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST