Gujarati News

Gujarati News

News of Saturday, 26th May 2018

મોદીજીને જગન્નાથ પૂરીથી લડાવવા વિચારણા

ઓરિસ્સામાં નરેન્દ્રભાઇનો શંખનાદ : જનસભા કરવા પાછળ મોટો ઉદ્દેશ : એક કાંકરે બે પક્ષી મારવાની રણનીતિ

કટક તા. ૨૬ : નરેન્દ્રભાઇ મોદી સરકારના આજે કેન્દ્રમાં ૪ વર્ષ પૂરા થયા છે. આ તકે મોદી ઓડીશાના કટકમાં રેલી સંબોધન કરનાર છે. આ સભા સાંજે ૪ વાગ્યે બાલીયાત્રા મેદાનમાં યોજાનાર છે. જેમાં તેઓ સરકારના કામકાજના લેખા-જોખા પણ રજુ કરનાર છે. એવું માનવામાં આવી રહ્યું છે કે, મોદી ૨૦૧૯માં ઓડીશાની સાથે સાથે પશ્ચિમ બંગાળ અને પૂર્વોત્તરને પણ મેળવવા માગે છે. એટલે તેઓ વારાણસી અને પુરીથી લોકસભા ચૂંટણી લડે તેવું ચર્ચાઇ રહ્યું છે.

આ કારણથી જ તેમણે કેન્દ્ર સરકારના ચાર વર્ષ પૂરા થતા રેલી માટે કટકને પસંદ કર્યું છે. ૨૦૧૯માં લોકસભા ચૂંટણી સાથે ધારાસભાની પણ ચુંટણીઓ પણ છે. ગત વર્ષે ત્રણ વર્ષ પુરા થતાં મોદીએ આસામમાં જનસભા સંબોધી હતી.

ભાજપે કટકમાં જનસભા કરવાનો નિર્ણય એક રણનીતિ હેઠળ લીધો છે. હકીકતે ભાજપ ૨૦૧૯માં ઓડીશાની વધુમાં વધુ લોકસભા બેઠકો ઉપર જીતની આશા કરી રહ્યું છે. જો કે મીડીયા રિપોર્ટસમાં જણાવાયા મુજબ નરેન્દ્રભાઇ ૨૦૧૯માં પણ બે બેઠકો ઉપરથી ચુંટણી લડી શકે છે. વારાણસી સિવાય બીજી બેઠક પુરી હોવાનું પણ જણાવાઇ રહ્યું છે. ૨૦૧૪માં તેઓ વારાણસી અને વડોદરાથી ચુંટણી લડયા હતા.

ઓડીશામાં લોકસભા - ધારાસભાની ચૂંટણીઓ સાથે સાથે હોય છે. એટલે ભાજપનું માનવું છે કે, નરેન્દ્રભાઇ જો પુરીથી ચુંટણી લડે તો પાર્ટીને લોકસભા - ધારાસભા બંનેમાં ફાયદો મળશે. ઓડીશામાં ધારાસભાની ૧૪૭ બેઠકો છે. જ્યારે લોકસભાની ૨૧ બેઠકો છે. જેમાંથી ૨૦ બેઠકોમાં બીજુ જનતા દળ (બીજેડી) પાસે છે. જ્યારે એક બેઠક ભાજપને મળી હતી. ૨૦૧૪ના ધારાસભા ચુંટણીમાં બીજેડીને ૧૧૭, કોંગ્રેસ ૧૬ અને ભાજપને ૧૦ બેઠકો મળી હતી. (૨૧.૧૭)

(4:04 pm IST)
  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST