Gujarati News

Gujarati News

News of Saturday, 26th May 2018

પર્યાવરણને લગતા ૨૧,૦૦૦ કેસો કોર્ટોમાં પડતર

હાલના પડતર કેસોના નિકાલ માટે છ વર્ષ લાગશે

નવી દિલ્હી તા. ૨૬ : એક તરફ કલાઇમેટ ચેન્જને કારણે દેશ અને દુનિયાભરમાં હજારો લોકો અસરગ્રસ્ત થઇ રહ્યાં તો બીજા તરફ ભારત દેશમાં પર્યાવરણને લગતા ૨૧,૦૦૦ કેસો (૨૦૧૬ની સાલમાં) વિવિધ ટ્રાયલ કોર્ટોમાં પડતર છે.

ડાઉન ટૂ અર્થ મેગેઝીને કરેલા એક એનાલિસીસ મુજબ, જો દેશની કોર્ટોમાં પર્યાવરણનાં કેસોની ટ્રાયલ આવી રીતે ચાલશે તો, હાલના પડતર કેસોનાં નિકાલ માટે છ વર્ષ લાગશે. જો આ પડતર કેસોનો ઝડપથી નિકાલ કરવો હોય તો, કોર્ટોએ દરરોજ સરેરાશ ૫૭.૯૩ કેસોનો નિકાલ કરવો પડે. જો આમ કરે તો જ, એક વર્ષમાં ૨૧,૧૪૫ જેટલા પર્યાવરણને લગતા કેસોનો નિકાલ થઇ શકે.

(3:52 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST