Gujarati News

Gujarati News

News of Saturday, 26th May 2018

રોજગારી સર્જન મુદ્દે મોદીના કામકાજથી લોકો સંતુષ્ટ રહ્યા

૫૮.૪ ટકા લોકો સરકારના કામકાજથી સંતુષ્ટ : બેરોજગારી ચિંતાનો વિષય ચોક્કસપણે છે પરંતુ સર્વેમાં સામેલ મોટા ભાગના લોકો રોજગારી સર્જન અંગે સંતુષ્ટ

નવી દિલ્હી,તા. ૨૬ :  કેન્દ્રની નરેન્દ્ર મોદી સરકારના ચાર વર્ષ આજે સત્તામાં પૂર્ણ થયા છે. ઓનલાઇન મેગા પોલના પરિણામ પણ જાહેર કરવામાં આવી ચુક્યા છે. પલ્સ ઓફ ધ નેશન નામથી કરવામાં આવેલા સર્વેમાં રોજગારી સર્જનને લઇને પણ મોદી સરકારની કામગીરીથી લોકો સંતુષ્ટ દેખાયા છે. આ અંગે મોદી સરકારને રસપ્રદ પ્રતિક્રિયાઓ હાથ લાગી છે. ટાઇમ્સ ગ્રુપના ઓનલાઇન પોલના કહેવા મુજબ બેરોજગારી ચિંતાનો વિષય તો ચોક્કસપણે છે પરંતુ સર્વેમાં સામેલ રહેલા મોટા ભાગના લોકો રોજગારી સર્જનના ક્ષેત્રમાં કરવામાં આવી રહેલા કામથી સંતુષ્ટ દેખાયા છે. ૨૮.૩ ટકા લોકો માને છે કે બેરોજગારીના મુદ્દે મોદી સરકારની નીતિ ફેલ રહી છે પરંતુ બેરોજગારી ઓછી કરવા માટે સરકાર દ્વારા લેવામાં આવેલા પગલા અંગે વાત કરતા લોકોએ કબુલાત કરી છે કે રોજગારી સર્જનના ક્ષેત્રમાં પણ સરકાર સક્રિય છે. ૫૮.૪ ટકા લોકો સંતુષ્ટ દેખાયા છે. વર્ષ ૨૦૧૯ની ચૂંટણીમાં બેરોજગારી સૌથી મોટો મુદ્દો બનનાર છે. વિરોધ પક્ષો અને ખાસ કરીને કોંગ્રેસ પાર્ટી દ્વારા બેરોજગારીને લઇને મોદી સરકાર પર પ્રહારો કરવામાં આવી રહ્યા છે. કોંગ્રેસ પ્રમુખ રાહુલ ગાંધી બેરોજગારીનો મુદ્દો જોરદાર રીતે ઉઠાવી રહ્યા છે. આવી સ્થિતીમાં ભાજપને પણ આ મુદ્દે જોરદારી તૈયારી રાખવી પડશે.

(12:38 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST