Gujarati News

Gujarati News

News of Saturday, 26th May 2018

જુલાઇમાં પાકિસ્તાનમાં જનરલ ઇલેકશન!

ઇમરાનખાનના પક્ષે ઝંઝાવાત સર્જયોઃ ૨૦ કરોડ મતદારો છેઃ પ્રથમ વખત ૧૩ ટ્રાન્સ જેન્ડરો ચૂંટણી લડશેઃ પાકિસ્તાનમાં ૧૦ હજાર ટ્રાન્સ જેન્ડરો

ઇસ્લામાબાદ તા.૨૬: પાકિસ્તાનમાં ચાલુ વર્ષે યોજાનારી સામાન્ય ચૂંટણીઓમાં ૧૩ ટ્રાન્સજેન્ડર ચૂંટણી લડવાના છે જે પૈકી બે સંસદની ચૂંટમી લડશે. પાકિસ્તાનમાં પ્રથમ વાર 'ટ્રાન્સ જેન્ડરને' વસ્તી ગણતરીમાં સામેલ કરાયા છે. પાકિસ્તાનની ૨૦ કરોડ આઠ લાખની વસ્તીમાં હાલ ૧૦,૪૧૮ ટ્રાન્સ જેન્ડર છે.

ઇમરાનખાનની તહેરીકે ઇન્સાફ પાર્ટી આ વખતે સત્તાકબ્જે કરવા પ્રચંડ પ્રયાસ કરી રહી છે તો લશ્કરએ તૈયબાના મુખ્યયાએ પણ ઝંપલાવ્યું છે.

ટ્રન્સ જેન્ડરને રાજકીય બાબતમાં સામેલ કરવાનો મુદ્દો ગઇકાલે વિગતે ચર્ચાયો હતો તેની રાજકીય સામેલગીરી, સશકિતકરણ અને સામાજિક પ્રગતિ માટે તેમને મુખઅય પ્રવાહમાં લાવવા જરૂરી ગણાવાયા હતા. આ કાર્યક્રમ ઓલ પાકિસ્તાન ટ્રાન્સજેન્ડર ઇલેકશન નેટવર્કે યોજ્યો હતો. જે ચૂંટણી પંચના સહયોગથી યોજાયો હતો. આ ચર્ચામાં તમામ ઉમેદવારોએ ભાગ લીધો હતો. અને તેઓ કયા મતક્ષેત્રમાંથી ચૂંટણી લડશે તેની પણ ચર્ચા કરાઇ હતી.

પાકિસ્તાન ચૂંટણી પંચે આગામી સામાન્ય ચૂંટણી માટે જુલાઇની ૨૫-૨૭ તારીખ સુચવી છે. પાકિસ્તાનમાં ઇલેકશન એકટ ૨૦૧૭ની કલમ  ૪૮ એ અને બી. અનુસાર તેમને ત્રીજી ખાસ જાતિ તરીકે સામેલ કરાયા છે. જેથી મતદાન માટે તેમને લાઇનમાં ઉભા રહેવાની પણ જરૂરી નથી. મતદાન કરવાના અધિકારમાં પણ તેમને પ્રાથમિકતા અપાશે તેમ વડાપ્રધાન કાર્યાલયના સદસ્ય કમારનસીમે માહિતી આપી હતી.

(12:35 pm IST)
  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST