Gujarati News

Gujarati News

News of Saturday, 26th May 2018

ઓનલાઇન ખરીદીમાં ૩૭ હજાર ખર્ચ્યા પછી પાણો મળ્યો !

દહેરાદૂન તા. ૨૬ : ઋષિકેશના એક વિદ્યાર્થીને ઓનલાઇન શોપિંગ કરવું મોંઘું પડ્યું છે. વિદ્યાર્થીએ ઓર્ડર તો આશરે ચાલીસ હજાર રૂપિયાની કિંમતના ડીએસએલઆર કેમેરાનો આપ્યો હતો. પરંતુ તેને એક પેક કરેલો પથ્થર મળ્યો છે. આ મામલે વિદ્યાર્થીએ ફરિયાદ નોંધાવી છે.

કૈલાશ ગેટ પાસે રહેનાર આ વિદ્યાર્થી શુભમ ઝા ડીગ્રી કોલેજમાંથી બીએ કરી રહ્યો હતો. વિદ્યાર્થી પ્રમાણે ઇ-કોમર્સ કંપની એમેઝોનમાંથી ૧૭ મેના રોજ કેનન એઓએસ ૨૦૦દૃક ૨૪.૨ એમપી ડિજિટલ એસએલઆર કેમેરાનો ઓર્ડર આપ્યો હતો. કેમેરાની કિંમત ૩૭,૪૫૦ રૂપિયા હતી જેની ઓનલાઇન ચૂકવણી કરવામાં આવી હતી.

૨૦ મેના રોજ જયારે એમેઝોન હોમ ડિલીવરી દ્વારા શુભમને તેનો સામાન મળ્યો ત્યારે તેને આશ્ચર્ય થયું. બહારથી પેકેટને જોઇને લાગી જ નહતું રહ્યું કે તેમા કેમેરા છે. શુભમે મિત્રોની મદદથી પેકેટ ખોલવાનો વીડિયો બનાવી દીધો. પેકેટ ખોલતાની સાથે તેમાં કેમેરાની જગ્યાએ પથ્થર નીકળ્યો હતો. જે પછી શુભમે ઓનલાઇન ફરિયાદ નોંધાવી. પરંતુ ફરિયાદ કર્યાના ત્રણ દિવસ પછી પણ કોઇ જવાબ ન મળતા પોલીસમાં પણ ફરિયાદ નોંધાવી દીધી.(૨૧.૩)

 

(11:53 am IST)
  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST