Gujarati News

Gujarati News

News of Saturday, 26th May 2018

દક્ષિણ પૂર્વ બંગાળની ખાડી, નિકોબારના ટાપુમાં ચોમાસાનું આગમન

દ. અરબી સમુદ્ર, કોમરીન, માલદીવ, અંદામાનનો દરિયો, અંદામાન નિકોબાર ટાપુ ઉપર આગમનની ઘડીઓ : સૌરાષ્ટ્ર - ગુજરાત - કચ્છમાં સોમવાર સુધી ગરમી યથાવત, પારો ૪૧ થી ૪૪ ડિગ્રી વચ્ચે ઘૂમશે : મંગળ-બુધ - ગુરૂ આંશિક રાહત મળશે પણ ભેજ વધશે, જેથી બફારાનો અનુભવ થશે : અશોકભાઈ પટેલ

રાજકોટ, તા. ૨૬ : દક્ષિણ પશ્ચિમ ચોમાસુ દક્ષિણ અંદામાનના દરિયામાં, દક્ષિણ પૂર્વ બંગાળની ખાડી અને નિકોબારના ટાપુમાં બેસી ગયુ છે. તેમજ આ ચોમાસુ ૪૮ કલાકમાં દક્ષિણ અરબી સમુદ્ર, કોમરીન અને માલદીવ વિસ્તાર, દક્ષિણ બંગાળની ખાડી, અંદામાનનો દરિયો અને અંદામાન નિકોબાર ટાપુ ઉપર આવતા બે દિવસમાં ચોમાસુ બેસી જશે. ત્યારબાદ ક્રમશઃ દક્ષિણ ભારતમાં પ્રવેશ કરશે. તેમ વેધરએનાલીસ્ટ શ્રી અશોકભાઈ પટેલે 'અકિલા' સાથેની વાતચીતમાં જણાવ્યુ છે.

અંદામાનના દરિયા અને આસપાસના વિસ્તારમાં એક અપરએર સાયકલોનીક સરકયુલેશન છે. દક્ષિણ પશ્ચિમ બંગાળની ખાડી આસપાસ એક અપરએર સાયકલોનીક સરકયુલેશન છે. જે ૧.૫થી ૫.૮ કિ.મી.ની ઉંચાઈએ છે.

જયારે વાવાઝોડુ 'મેકૂનુ' હાલ અતિ તીવ્ર વાવાઝોડા તરીકે છે. જે જેના પવનો ૧૬૦ થી ૧૭૦ કિલોમીટરની ઝડપે ફૂંકાઈ રહ્યા છે. ૯૬૦ મિલીબાર પ્રેશર છે અને દરિયામાં ૩૦ ફૂટના મોજા ઉછળી રહ્યા છે. આ વાવાઝોડુ આજ રાત સુધીમાં ઓમાનના સલાલાહ નજીક ત્રાટકશે. જેથી ત્યાં ભારે ખાનાખરાબી સર્જાશે. જેથી હવામાન ખાતાની સુચનાને અનુસરવું.

સૌરાષ્ટ્ર - ગુજરાત - કચ્છમાં ગરમી અંગે અશોકભાઈએ આગાહી કરતા જણાવેલ કે તા.૨૪ થી ૩૧મી દરમિયાન ૨૮મી સુધી એટલે કે સોમવાર સુધી ગરમી યથાવત રહેશે. તાપમાન ઉંચુ જ રહેશે. ગરમીનો પારો ૪૧ થી ૪૪ ડિગ્રી વચ્ચે જોવા મળશે. જયારે પાછલા બે-ત્રણ દિવસ મંગળ-બુધ-ગુરૂ દરમિયાન ગરમીમાં આંશિક રાહત તો રહેશે પરંતુ ભેજમાં વધારો જોવા મળશે. જેથી બફારાનો અનુભવ થશે.

(12:38 pm IST)
  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST