Gujarati News

Gujarati News

News of Friday, 26th April 2019

''જય શ્રી રામ'': અમેરિકાના કેલિફોર્નિયામાં આવેલા લોસ એન્જલસ સ્થિત હિન્દુ મંદિરોમાં ઉજવાઇ ગયેલો ''રામનવમી ઉત્સવ'': શ્રી ગાયત્રી મંદિર એનાહેમ, ISSO શ્રી સ્વામિનારાયણ મંદિર આર્ટીશિયા, શ્રી રાધાકૃષ્ણ મંદિર નોર્વોક તથા શ્રીનાથજી હવેલી અર્વાઇન ખાતે રામજન્મના દર્શન કરી ભકતો ધન્ય બન્યા

કેલિફોર્નિયાઃ અમેરિકા-કેલિફોર્નિયાના લોસ એન્જલસમાં આવેલા હિન્દુ મંદિરોમાં રામનવમી ઉત્સવ ધામધૂમથી ઉજવાઇ ગયો.

શ્રી ગાયત્રી મંદિર, એનાહેમ, ISSO સ્વામિનારાયણ મંદિર, આર્ટીશિયા, શ્રી રાધાકૃષ્ણ મંદિર, નોર્વોક, તથા શ્રીનાથજી હવેલી અર્વાઇન ખાતે રામનવમીની ઉજવણી ખૂબ જ શ્રધ્ધા પૂર્વક કરવામાં આવી.

રામનવમી અને રવિવારનો સમન્વય થવાથી ભકતોમાં અનેરો ઉત્સાહ જોવા મળતો હતો. વિવિધ મંદિરોમાં ભગવાન રામજીના જન્મોત્સવને વધાવવા માટે જુદા જુદા આયોજનો સાથે પારણાં (પલના) દર્શનનો લાભ શ્રધ્ધાળુઓએ માણ્યો હતો. મંદિરોની વિવિધ ફુલ રોશનીથઈ સજાવટ કરવામાં આવી હતી. બપોરના સમયે જન્મોત્સવ સાથે પલના દર્શન, આરતી, ભજન, રામધૂનની રમઝટ સાથે ભાવિકો ભકતો રામ જન્મોત્સવમાં આનંદપૂર્વક સહભાગી બન્યા હતા. જે અંગેની માહિતી પ્રતિનિધિઓ શ્રી હર્ષદરાય શાહ, શ્રી ગુણવંતભાઇ પટેલ દ્વારા વિવિધ મંદિરોની મુલાકાત લઇ મેળવાઇ હતી.

અર્વાઇ ખાતે નવી સ્થપાયેલ શ્રીનાથજી હવેલીમાં પણ બપોરના રામજન્મ મહોત્સવ અનેરી રીતે ઉજવાયો હતો. જત આ હવેલીના સ્થાપક શ્રીમતિ હંસાબેન પટેલની ઉપસ્થિતિમાં મુખ્યાજી પ.ભ.શ્રી પંકજભાઇએ રામ ભગવાન વિષે પ્રેરક પ્રવચન આપીને પુષ્ટિ સંપ્રદાયમાં તેમનુ અદકેરૂ સ્મરણનું મહત્વ સમજાવેલું રામાયણના વિવિધ પ્રસંગો જેમ કે શિલ્પમાંથી અહલ્યા બનવું, (ચરણ સ્પર્શ) રામનામ લખેલા પત્થરોનું સમુદ્દમાં તરવું, (રામ સેતુ) શબરીના એઠા બોર, (ભાવનાના ભૂખ્યા ભગવાન) સાંકેત ગમન (ભકતોને પણ સાથે રાખ્યા) જેવા દૃષ્ટાંતોથી ભકતો ભાવવિભોર બન્યા હતા. બાદમાં સુશ્રી નેહા બહેને, તેમની આગવી શૈલીમાં ભજનોની રસલહાણ પીરસીને વાતાવરણને ભકિતમય  બનાવ્યું હતું. આમ બધા જ મંદિરોમાં વિવિધ કાર્યક્રમો દ્વારા રામજન્મોત્સવ મનાવવામાં આવેલ. તેમજ દરેક મંદિરોમાં ભાવિકો માટે મહાપ્રસાદની વ્યવસ્થા કરવામાં આવી હતી. પ્રસાદ આરોગીને ભકતો ભગવાનશ્રી રામચંદ્રના આશિર્વાદ મેળવી કૃતસ થયા હતા. તેવું શ્રી કાંતિભાઇ મિસ્ત્રી, કેલિફોર્નિયાના તસવીર સૌજન્ય થકી શ્રી હર્ષદરાય શાહના અહેવાલ દ્વારા જણાવાયું છે.

(7:56 pm IST)
  • ચોકીદારને પ્રસ્તાવક બનાવીને મોદીએ ભર્યું ઉમેદવારીપત્રક : લોકસભા ચૂંટણી ૨૦૧૯ના મહાસંગ્રામમાં વારાણસી સીટ પર દેશભરની નજર અટકેલી હતી. વડાપ્રધાન નરેન્દ્ર મોદીએ આજે વારાણસી લોકસભા સીટ પર નોમિનેશનના પાંચમાં દિવસે કલેકટર ઓફિસમાં ફોર્મ ભર્યું. કલેકટર રૂમમાં દાખલ થવાની સાથે જ તેઓએ દરેક પ્રસ્તાવકો સાથે મુલાકાત કરી આ દરમિયાન તેઓએ કાશીના કોતવાલ (કાળ ભૈરવ)ના પણ દર્શન કર્યા ત્યાં રાષ્ટ્રીય જનતાંત્રિક ગઠબંધન એનડીએના દિગ્ગજ નેતાઓનો જાણે મેળો ભરાયો હોય તેવું દ્રશ્ય હતું. access_time 3:04 pm IST

  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશેઃ વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે : તામિલનાડુ માટે રેડ એલર્ટ જાહેરઃ 'ફાની' FANI વાવાઝોડુ ધસમસી રહ્યુ છે access_time 11:22 am IST

  • પવનની પેટર્ન બદલાતા જોરદાર ગરમીનો રાઉન્ડ : બંગાળની ખાડીમાં લોપ્રેસર બનતા પવનની પેટર્ન બદલાઈ છે : આ સિસ્ટમ્સ ૪ મેના ઓડીશાના દરિયા કિનારે આવશે : જો કે આ સિસ્ટમ્સની સૌરાષ્ટ્ર - ગુજરાતમાં કોઈ અસર થશે નહિં પરંતુ પવનની પેટર્ન બદલાતા દિવસેને દિવસે ગરમીમાં વધારો થતો જશેઃ ગરમીનો પારો ૪૧થી ૪૫ ડિગ્રી આસપાસ જ જોવા મળશે access_time 4:07 pm IST