Gujarati News

Gujarati News

News of Thursday, 26th March 2020

લોનની ફેર ચુકવણી વિલંબથી સ્વિકારવા બેંકને મંજુરી મળશે

લોકો મુશ્કેલમાં છે ત્યારે રાહત આપવાની તૈયારી : ઇએમઆઈની ચુકવણીમાં લોકોને રાહત આપવા માંગણી

નવીદિલ્હી, તા. ૨૬ : ભારતીય રિઝર્વ બેંક બેંકોને પોતાના ગ્રાહકોને ઇએમઆઈની ચુકવણી કરવામાં રાહત આપવાની મંજુરી આપી શકે છે. સમગ્ર દેશમાં બુધવારથી ૨૧ દિવસ માટે સંપૂર્ણ લોકડાઉનની સ્થિતિ છે. લોકડાઉનમાં રૂરી સેવાને છોડીને તમામ કામો બંધ થયેલા છે. ઔદ્યોગિક અને વેપારી ગતિવિધિ સંપૂર્ણપણે ખોરવાઈ ગઈ છે. લોકોને પોતાના ઘરમાં રહેવાની ફરજ પડી રહી છે. આવી સ્થિતિમાં બેંકોને પોતાની ઇએમઆઈ ચુકવવામાં સમસ્યા નડી શકે છે. આને ધ્યાનમાં લઇને આરબીઆઈ બેંકોને એવી મંજુરી આપી શકે છે કે તે પોતાના ગ્રાહકોને સમય ઉપર ઇએમઆઈની ચુકવણી કરવાની ફરજમાં રાહત આપે. એક બેંક અધિકારીએ માહિતી આપતા કહ્યું છે કે, માટે માંગ કરવામાં આવી રહી છે.

         આના માટે રિઝર્વ બેંક ઓફ ઇન્ડિયા દ્વારા કેટલીક વ્યવસ્થા પર ધ્યાન આપવાની રૂ છે. આના પર ચર્ચા ચાલી રહી છે. ઇએમઆઈમાં વિલંબનો મુદ્દો સરકારના ધ્યાનમાં આવ્યો છે. અત્રે નોંધનીય છે કે, નાણામંત્રી નિર્મલા સીતારામને ગઇકાલે મોટી રાહત આપીને વર્ષે જૂન સુધી કોઇપણ એટીએમમાંથી પૈસા ઉપાડવા પર લાગતા ચાર્જને દૂર કરવાની જાહેરાત કરી હતી. સાથે સાથે બેંક ખાતામાં લઘુત્તમ રકમ રાખવાના નિયમમાં પણ રાહત આપવાની જાહેરાત કરી હતી. ભારતની સાથે સાથે વિશ્વના દેશો લોકડાઉનની સ્થિતિમાં જતા રહ્યા હતા. વેપાર ખરાબરીતે અસરગ્રસ્ત છે. કેટલાક ઉદ્યોગ પ્રતિનિધિઓએ પહેલાથી સરકાર સમક્ષ લોનની ચુકવણી વિલંબથી કરવાની મંજુરી આપવાની માંગ કરી છે. વેપાર, ઘર, વાહનો, અંગત રૂરિયાતની ચીજો માટે લોન પણ લેવામાં આવે છે તો આવી સ્થિતિમાં આંશિક રાહત આપવા માટે કહેવામાં આવ્યું છે.

(7:55 pm IST)
  • રાજકોટમાં આઈસોલેશનમાં રખાયેલ કોરોનાના ૧૧ શંકાસ્પદોના રીપોર્ટ નેગેટીવ આવ્યા : કોરોના સંદર્ભે રાજકોટમાં આજે સવારે ૧૧ વ્યકિતઓને આઈસોલેશનમાં રખાયેલ હતા જે તમામના લોહીના નમૂનાની તપાસ થતાં આ ૧૧ વ્યકિતઓમાંથી કોઈને કોરોના નહિં હોવાનું જણાયુ હતું : આ તમામ ૧૧ શંકાસ્પદોના રીપોર્ટ નેગેટીવ આવ્યાનું મ્યુ. કોર્પોરેશનના આરોગ્ય તંત્રએ જાહેર કર્યુ છે access_time 4:28 pm IST

  • ભારતમાં ૬૪૯ કેસ : ૧૪ના મોત : (૫૯૩ એકટીવ - હાલમાં કોરોના પીડિત કેસો જયારે ૪૨ સાજા થતાં ડિસ્‍ચાર્જ અપાયા) હોવાનું કેન્‍દ્રના આરોગ્‍ય - કલ્‍યાણ ખાતાએ જાહેર કર્યુ છે : મુંબઈ - થાણેમાં ૨ પોઝીટીવ કેસો : મુંબઈનો આંક હવે ૧૨૪ થયો : :એક વધુ મૃત્‍યુ સાથે મૃત્‍યુઆંક ૪ : ઈન્‍દોરમાં નવા ૫ કેસો સાથે મધ્‍યપ્રદેશમાં ૨૦ કોરોના પોઝીટીવ access_time 12:00 pm IST

  • નાગપુરમાં ડોર -ટુ ડોર સર્વે : નાગપુરમાં કાલે ગુરુવારે સવારથી 'ડોર ટુ ડોર ' કોરોના સર્વે શરૂ થશે access_time 10:55 pm IST