Gujarati News

Gujarati News

News of Thursday, 26th March 2020

કોરોના વાયરસની લડાઇમાં વિશ્વ ચેમ્પિયન ભારતીય મહિલા બેડમિન્ટન સ્ટાર પી.વી. સિંધુએ ૧૦ લાખનું અનુદાન કર્યું

હૈદરાબાદઃ વિશ્વ ચેમ્પિયન ભારતીય મહિલા બેડમિન્ટન સ્ટાર પીવી સિંધુએ કોરોના વાયરસની લડાઈમાં પોતાનું યોગદાન આપતા 10 લાખ રૂપિયાની મદદ કરવાની જાહેરાત કરી છે. સિંધુએ આ રકમ પાંચ-પાંચ લાખ રૂપિયાના રૂપમાં બે રાજ્યો આંધ્ર પ્રદેશ અને તેંલગણાના મુખ્યમંત્રી રાહત કોષમાં દાન કરી છે.

સિંધુએ ટ્વીટર પર કહ્યું, 'કોરોના વાયરસ સામે લડવા માટે તેલંગણા અને આંધ્ર પ્રદેશ રાજ્યોના મુખ્યમંત્રી રાહત કોષમાં પાંચ-પાંચ લાખ રૂપિયાનું દાન આપુ છું.'

આ પહેલા દક્ષિણના સુપરસ્ટાર પવન કલ્યાણે પણ બે રાજ્યો આંધ્ર પ્રદેશ અને તેલંગણા મુખ્યમંત્રી રાહત કોષમાં 50-50 લાખ રૂપિયા દાન આપ્યા હતા. તે પહેલા રેસલર બજરંગ પૂનિયા પોતાના છ મહિનાનો પગાર, પૂર્વ બેટ્સમેન ગૌતમ ગંભીર 50 લાખ રૂપિયા અને સાનિયા મિર્ઝાએ ભોજન તથા જરૂરી સામાન દાન આપવાનો નિર્ણય લીધો હતો. ભારતમાં અત્યાર સુધી કોરોનાના 650થી વધુ કેસ સામે આવી ચુક્યા છે જ્યારે 16 લોકોના મોત થયા છે.

(4:55 pm IST)
  • ઓહોહો... રાજકોટમાં ૩૬ કિ.મી.ની ઝડપે પવન ફૂંકાઈ રહ્યા છે : રાજકોટ : શહેરમાં આજે પણ વાદળછાયા વાતાવરણ વચ્ચે ૩૬ કિ.મી.ની ગતિએ પવન ફૂંકાઈ રહ્યા છે : ૨૯.૬ ડિગ્રી સાથે ગરમીમાં ઘટાડો થયો છે : ભેજનું પ્રમાણ ૪૩ ટકા છે : દિવસનું તાપમાન નોર્મલથી ૮ થી ૯ ડિગ્રી નીચુ જોવા મળી રહેલ છે access_time 4:33 pm IST

  • સોશિયલ મીડિયા પર આવતા ફેક કૉલ્સથી સતર્ક રહો access_time 11:48 pm IST

  • પાકિસ્તાન : કોરોના વાયરસ ચેપ સૈન્યમાં ફેલાયો: 230 સૈનિકોને એકાંતમાં જુદા રખાયા : ચીન સાથે ખુલ્લી સરહદની અસર અને મોટા પાયે ચિની નાગરિકો સાથેનો મેલજોલ થકી હવે પાકિસ્તાનમાં મોટાપાયે કોરોના ચેપ વધી રહ્યો છે. access_time 9:08 pm IST