Gujarati News

Gujarati News

News of Thursday, 26th March 2020

દિલ્હીઃ મોહલ્લા કિલનિકના ડોકટરનો કોરોના રિપોર્ટ પોઝિટીવ આવતા ૯૦૦ લોકો કવોરન્ટાઇન થશે

દિલ્હી, તા.૨૬: દિલ્હીમાં મોહલ્લા કિલનિકના એક ડોકટરનો કોરોના રિપોર્ટ પોઝિટીવ આવતા ૯૦૦ લોકોને કવોરન્ટાઇન કરવામાં આવ્યાં છે.

આ અંગે મળતી માહિતી અનુસાર સાઉદી અરેબિયાથી પરત આવેલી શમા નામની મહિલાએ ૧૨ માર્ચના રોજ દિલ્હીના મૌજપુર મોહલ્લા કલીનિકમાં સારવાર કરાવી હતી . આ મહિલાને કોરોના થયો હતો જેના સંપર્કમાં ડોકટર ગોપાલ જ્ઞા આવતા તેએ પણ સંક્રમિત થયા હતા. દરમિયાન આ ચેપ તેમના થકી તેમની પત્ની અને દિકરી સહિત આઠ લોકો સંક્રમિત થયા છે.

મોહલ્લા કિલનિકના ડોકટરનો કોરોના રિપોર્ટ પોઝિટીવ આવતા સમગ્ર દિલ્હીમાં મોહલ્લા કિલનિક બંધ કરી દેવામાં આવ્યા હતા. બે દિવસ બાદ એટલે આજે ફરીથી કિલનિક ખોલી નાખવામાં આવ્યાં છે. આ પહેલા મોજપુર સહિત તમામ મોહલ્લા કિલનિકને સેનેટાઇઝ કરવામાં આવ્યાં હતા. ડોકટરો અને મેડિકલ સ્ટાફને સાવચેતી રાખવા કહેવામાં આવ્યું છે.

(3:48 pm IST)
  • કોરોના વાયરસ સંકટને કારણે ઓઇલની કિંમતોમાં ઘટાડો થવાની સંભાવના સેવાય રહી છે. રિસ્ટૈડ એનર્જીના વિશ્લેષકોનું કહેવું છે કે ઓઇલની વૈશ્વિક માંગમાં તીવ્ર ઘટાડો થશે અને કારણ કે વિશ્વના મોટાભાગના દેશોમાં ઓઇલ સંગ્રહ કરવાની જગ્યા જ બચી નથી. આનાથી ઓઇલનો પુરવઠો વધશે, પરંતુ માંગ ઓછી થશે, જે ઓઇલના ભાવને અસર કરશે. access_time 9:16 pm IST

  • અમેરિકામાં હાહાકાર : અસરગ્રસ્‍તોનો આંકડો ૭૦ હજારે પહોંચવા આવ્‍યો : ૨૪ કલાકમાં ૧૩,૮૭૦ નવા કેસો : ૬૧૬ રીકવર : ૧૦૪૨ મોત : ૪૫% કેસો માત્ર ન્‍યુયોર્કમાં : ૪,૭૨,૮૨૦ ઉપર ટેસ્‍ટ કરાયા : ઈરાનમાં ૨૦૭૭ મોત : સ્‍પેનમાં ૩૬૪૭ મોત :ચીનમાં ૩૨૮૭ મોત access_time 11:59 am IST

  • મુખ્યમંત્રી રૂપાણીએ રાજસ્થાન જતા શ્રમિકો માટે ગત રાત્રે ગાંધીનગર પાસેના ચિલોડા ખાતે જઈને ઉચ્ચ અધિકારીઓને સ્થળ પર બોલાવી, જરૂરી પરામર્શ કરીને શ્રમિકોને વતન પહોચાડવા માટેની સુચનાઓ આપી હતી. access_time 5:59 pm IST