Gujarati News

Gujarati News

News of Thursday, 26th March 2020

ટ્રમ્પની ઐતિહાસિક જાહેરાતઃ દરેક યુવાનને ૧ર૦૦ અને બાળકને ૫૦૦ ડોલર અપાશે

વોશિંગ્ટન તા. ર૬: જીવલેણ કોરોના વાયરસ દુનિયાભરમાં ફેલાઇ ગયો છે, પણ કેટલાક દેશોની હાલત બહુ ખરાબ છે. બધા દેશોમાં કોરોના પિડીતોની સંખ્યા ઝડપભેર વધી રહી છે. તેમાં એક અમેરિકા પણ છે.

આ મહામારી રોકવા માટે હવે રાષ્ટ્રપતિ ડોનાલ્ડ ટ્રમ્પે અમેરિકન ઇતિહાસના સૌથી મોટા આર્થિક પેકેજની જાહેરાત કરી છે. ટ્રમ્પ પ્રશાસને ર લાખ કરોડ ડોલરના ઐતિહાસિક પેકેજની જાહેરાત કરી છે.

આ આર્થિક પેકેજમાં અમેરિકાએ પોતાના નાગરિકો માટે એક રકમ નકકી કરી છે. દરેક અમેરિકન યુવાને ૧ર૦૦ ડોલર મળશે, જયારે દરેક બાળકને પ૦૦ ડોલર આપવામાં આવશે. ટ્રમ્પ સરકાર આ આર્થિક મદદ લાભાર્થીઓના ખાતામાં સીધા જમા કરશે.

કોરોના સામે લડવા માટે અમેરિકન વ્હાઇટ હાઉસે આ નિર્ણય કર્યો છે, જેના પર ડેમોક્રેટિક અને રિપબ્લીકન નેતાઓએ સંમતિ આપી છે. અમેરિકાનું કહેવું છે કે આ મદદથી બિઝનેસ, વર્કર્સ અને હેલ્થકેર સિસ્ટમને ટેકો મળશે.

આ ઉપરાંત અમેરિકા સરકારે કહ્યું કે કોરોના વાયરસના કારણે પરેશાન લઘુ ઉદ્યોગો માટે ૩૬૭ અબજ ડોલર ઉપલબ્ધ કરાવાશે જેથી તેમના જે કર્મચારીઓને મજબૂરીમાં ઘરે રહેવું પડે છે તેમને પગાર ચૂકવી શકાય. મોટા ઉદ્યોગોને પણ સસ્તા દરે લોન આપવામાં આવશે જેથી આ મુશ્કેલીના સમયમાં તેઓ પોતાનો ધંધો ચલાવી શકે.

(3:42 pm IST)
  • કોરોના સામે જંગ ગુજરાતની તમામ શાકમાર્કેટો બંધ કરવાનો નિર્ણય શાક માર્કેટોમાં ભીડ થતી હોય બંધ કરાવી અને લોકોને ઘર પાસે અથવા હોમ ડિલીવરીથી શાક મળી રહે તેવી વ્યવસથા ગોઠવાઈ રહી છે access_time 6:07 pm IST

  • વતન પરત જઈ રહેલા પરપ્રાંતીય શ્રમિકોને વિજયભાઈની અપીલ : કોઈ પણ ગભરાઈને વતન જાય નહિં : માલિકો - શ્રમિકો માટે તમામ વ્યવસ્થા કરે શ્રમિકોને તેમના ખાવા - પીવા - જીવન જરૂરી ચીજોની વ્યવસ્થાની ચિંતા સરકાર કરી જ રહી છે : ઔદ્યોગિક એસોસીએશનો, બિલ્ડર્સ અને વેપારી એસો.ને પોતાને ત્યાં કામ કરતા શ્રમિકોની તમામ સારસંભાળ લેવા હાકલ : સરકાર બધી મદદ કરશે : મહાનગરોમાં એકલા રહેતા નિઃસહાય - નિરાધાર વૃદ્ધ વડીલો વિ.ની વિનામૂલ્યે ભોજન વ્યવસ્થા સ્વૈચ્છિક સેવા સંસ્થાઓના સહયોગથી સરકાર કરશે : આઠ મહાનગરોમાં આ માટે અધિકારીઓ નિયુકત : વિજયભાઈ રૂપાણી access_time 6:05 pm IST

  • કાશ્‍મીરમાં કોરોનાએ પ્રથમ માનવજીવ હર્યો : શ્રીનગરની હોસ્‍પિટલમાં કોરોના પોઝીટીવથી પીડાતા ૬૫ વર્ષના વૃદ્ધનું મૃત્‍યુ થતા જમ્‍મુ - કાશ્‍મીરમાં કોરોનાએ પ્રથમ જીવ લીધો છે access_time 11:59 am IST