Gujarati News

Gujarati News

News of Thursday, 26th March 2020

લોકડાઉન વચ્ચે યુપીમાં પાન મસાલા પર પ્રતિબંધ, લાળ અને થુકથી પણ કોરોના ફેલાય છે

લખનઉ, તા.૨૬: કોરોના વાયરસને લીધે સમગ્ર દેશમાં લોકડાઉન વચ્ચે યુપી સરકારે રાજયમાં પાન મસાલાના વેચાણ પર પ્રતિબંધ મૂકયો છે. રાજય સરકારે તેના આદેશમાં જણાવ્યુ હતું કે આગામી આદેશ સુધી રાજયમાં પાન મસાલાનુ ઉત્પાદન, વેચાણ પર પ્રતિબંધ મૂકવામાં આવે છે. કોરોના વાયરસના ફેલાવા પાછળ લાળ અને થૂંક જેવા માધ્યમો પણ કામ કરે છે. જેના કારણે રાજય સરકારે પાન મસાલા પર પ્રતિબંધ મૂકવાનો નિર્ણય લીધો છે.

યુપીમાં કોરોના વાયરસના કેસોમાં સતત વધારો જોવા મળી રહ્યો છે અહીં દર્દીઓની સંખ્યા વધીને ૪૧ થઇ છે. જેમાં સૌથી વધારે કેસો આગરા અને નોઇડામાંથી સામે આવ્યા છે. જેમાં રાજધાની લખનઉ, ગાજિયાબાદ, પીલીભીત જેવા મુખ્ય શહેરો સામેલ છે. અત્યાર સુધીના કુલ કેસો પૈકી ૧૧ દર્દીઓ સારવાર દરમિયાન સ્વસ્થ થતા હોસ્પિટલમાં રજા આપવામાં આવી હતી.

કોરોના મહામારી સામેની જંગમાં યુપી સરકાર અસરકારક પગલા ઉઠાવી રહી છે. સરકારે સ્વાસ્થ વિભાગને આ માટે ૫૦ કરોડ રૂપિયા ફંડ આપવાની જાહેરાત કરી હતી.

(10:19 am IST)
  • વિશ્વ આજે કોરોનાવાયરસ COVID-19 રોગચાળોનો સામનો કરી રહ્યું છે ત્યારે આ મહામારીના કારણે વૈશ્વિક મૃત્યુની સંખ્યા 21,000 થી વધુ પહોંચી ગઈ છે જેમાં ઇટાલી અને સ્પેને ચીન કરતા વધુ મૃત્યુ નોંધાવ્યા છે. ઇટાલીમાં, આ જીવલેણ વાયરસ ફાટી નીકળતાં 7500 થી વધુ લોકોએ જીવ ગુમાવ્યો છે જ્યારે સ્પેનમાં 3600 થી વધુ લોકો મરી ગયા છે access_time 9:20 pm IST

  • સાડા ચાર લાખની નજીક કોરોનાના કેસો પહોંચ્યા : મૃત્યુઆંક 20 હજાર સુધી પહોંચવા આવ્યો : 1,12,036 કેસો રિકવર થયા access_time 10:06 pm IST

  • સોનીયા ગાંધીએ નરેન્દ્રભાઈને પત્ર લખી લોક ડાઉનનું સમર્થન કર્યુ ડોકટરો- નર્સીગ સ્ટાફની સુરક્ષા માટે પગલા લેવા જણાવ્યુઃ ૬ મહિના માટે હપ્તા ટાળવા કેન્દ્રને વિચાર કરવા સૂચન access_time 12:56 pm IST