Gujarati News

Gujarati News

News of Friday, 26th February 2021

વેપારીઓના બજાર બંધને દેશભરમાં મિશ્ર પ્રતિસાદ

જીએસટીના વિરોધમાં વેપારી સંગઠનો મેદાનમાં : ગુજરાત સહિતના અનેક રાજ્યોના મોટા શહેરોમાં બંધની સામાન્ય અસર રહી : યુપી, રાજસ્થાનમાં નહીંવત અસર

નવી દિલ્હી, તા. ૨૬ :  કન્ફેડરેશન ઓફ ઓલ ઈન્ડિયા ટ્રેડર્સ (સીએઆઇટી) એ જીએસટીના ગૂંચવાડા અને ઈ-કોમર્સને લગતા મુદ્દાઓ વિરુદ્ધ ભારત બંધનું એલાન આપ્યું હતું જેમાં દેશના ગુજરાત સહિતના મોટાભાગના રાજ્યોમાં બંધની મિશ્ર અસર જોવા મળી હતી. બંધ અસર યુપી અને રાજસ્થાનમાં જોવા મળી નથી. ઘણી વેપારી સંસ્થાઓએ આમાંથી પોતાને દૂર રાખી છે. કેટનો દાવો છે કે દિલ્હી સહિત દેશભરના ૪૦,૦૦૦ દેશના વેપાર સંગઠનોના ૮ કરોડથી વધુ વેપારીઓ આ બંધને સમર્થન આપી રહ્યા છે. તે જ સમયે, દિલ્હીની સરહદો પર નવા કૃષિ કાયદાઓનો વિરોધ કરી રહેલા ખેડૂતો પણ બંધને સમર્થન આપી રહ્યા છે. ઓલ ઈન્ડિયા ટ્રાન્સપોર્ટ વેલ્ફેર એસોસિએશન તેને સમર્થન આપી રહ્યું છે. આ સંસ્થા આશરે ૧ કરોડ ટ્રાન્સપોર્ટર્સનું પ્રતિનિધિત્વ કરે છે.

બંધની અસર રાજસ્થાનમાં જોવા મળી નથી. જયપુરના તમામ બજારો રાબેતા મુજબ ખુલ્લા રહ્યા હતા. અલવર અને જોધપુરમાં બંધની સામાન્ય અસર જોવા મળી. બંધની અસર બિહારમાં જોવા મળી છે. ઘણા રાજમાર્ગો ઉપર ટ્રકો ઉભા જોવા મળી હતી. એનએચ -૨, એનએચ -૩૦, એનએચ -૩૧, એનએચ -૫૫ સહિત વિવિધ સ્થળોએ ટ્રકો ઊભી જોવા મળી હતી. ટ્રાન્સપોર્ટર્સ સંગઠનને ટેકો આપવાની ઘોષણા છતાં, યુપીમાં ટ્રક અને અન્ય વાહનો દોડી રહ્યા છે, જ્યારે સવારે છ વાગ્યાથી જામ છે. લખનૌ, મેરઠ અને આગરા સહિત લગભગ તમામ મોટા શહેરોમાં દુકાનો ખુલી છે.ઓલ ઇન્ડિયા મોટર ટ્રાન્સપોર્ટ કોંગ્રેસ (એઆઈએમટીસી) ની કોર કમિટીના અધ્યક્ષ બાલ મલકિતસિંહે કહ્યું કે આજના બંધને વેપારીઓ દ્વારા આપવામાં આવ્યો છે, કેટલીક સંસ્થાઓએ તેને સમર્થન આપ્યું છે. ઓલ ઇન્ડિયા મોટર ટ્રાન્સપોર્ટ કોંગ્રેસ આને ટેકો આપતી નથી, આ બંધ ફક્ત કાગળ પર છે, ગ્રાઉન્ડ લેવલ પર નહીં. કેટના જનરલ સેક્રેટરી પ્રવીણ ખંડેલવાલે કહ્યું કે જીએસટી સુધારા સામે દેશભરના તમામ રાજ્યોમાંથી લગભગ ૧૫૦૦ જેટલી મોટી અને નાની સંસ્થાઓ વિરોધ જોડાઈ. ભારતવ્યાપી બંધને કારણે દેશની જનતાને કોઈ અસુવિધા ન થવી જોઈએ તેનું ધ્યાન રખાયું હતું. આ સુનિશ્ચિત કરવા માટે, સીએટીએ મેડિકલ સ્ટોર્સ, દૂધ અને શાકભાજીની દુકાનો જેવી આવશ્યક સેવાઓ બાકાત રાખી હતી. જો કે, ઓલ ઇન્ડિયા ટ્રેડ બોર્ડ અને ભારતીય ઉદ્યોગ ફેડરેશન જેવા અનેક વેપાર સંગઠનોએ બંધને ટેકો આપ્યો નથી. ફેડરેશન ઓફ ઓલ ઇન્ડિયા ટ્રેડ ચેમ્બર્સ (એફઆઈવીએમ) એ કહ્યું કે તે બંધને ટેકો આપતો નથી. સંગઠનના રાષ્ટ્રીય મહામંત્રી વી.કે. બંસલે કહ્યું કે તે કેટલીક માંગણીઓના સમર્થનમાં દુકાનો બંધ રાખવાની તરફેણમાં નથી. જોકે તેમણે એમ પણ કહ્યું કે છેલ્લા ૪૩ મહિનામાં જીએસટી તેના મૂળ ઉદ્દેશ્યથી ભટકી ગયો છે. દિલ્હીના ભારતીય વેપાર મંડળના મહામંત્રી રાકેશ યાદવે કહ્યું કે સંગઠને બંધનું સમર્થન નથી કર્યું અને જીએસટીને લગતા મુદ્દાઓ પર સરકારને નિવેદન રજૂ કર્યું છે.

(8:58 pm IST)
  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • કચ્છના ભુજની રાવલ વાડી પોસ્ટ ઓફીસમાં લાખો રૂપીયાની ઉચાપત પ્રકરણમાં મહિલા એજન્ટ પ્રજ્ઞા ઠક્કરના પતિ સચીન ઠકકરની ધરપકડ access_time 4:24 pm IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST