Gujarati News

Gujarati News

News of Friday, 26th February 2021

હવે જીવન જરૂરિયાતના તેલના ભાવ પણ આસમાને

રાંધણ ગેસ અને પેટ્રોલ-ડિઝલના ભાવમાં ભડકો બાદ : સીંગતેલના ભાવમા રૂ. ૭૫ વધારા સાથે ૨૫૫૦ પર પહોંચ્યો : કપાસિયા તેલમાં રૂ. ૧૦૦ના વધારા સાથે ૧૯૦૦થી ૨૦૦૦ પર પહોંચ્યો : પામ તેલમા રૂ.૧૦૦ના વધારા સાથે ૧૮૯૦ રૂપિયા પહોંચ્યો

નવી દિલ્હી, તા.૨૬: સામાન્ય જનતાને જીવવા માટે ખરેખર કપરા ચઢાણો ચડવા પડી રહ્યા છે ત્યારે રાંધણ ગેસ, પેટ્રોલ ડિઝલના ભાવ બાદ હવે તેલના ભાવ પણ આસમાને પહોંચ્યા છે.

તેલના ભાવમાં ભડકો થયો છે. સિંગતેલના ભાવમા ૭૫ રૂપિયાના વધારા સાથે ૨૫૫૦ પર પહોંચી ગયો છે. કપાસિયા તેલમાં પણ  રૂ. ૧૦૦ના વધારો થયો છે. એટલે કપાસિયા તેલનો બાવ ૧૯૦૦થી ૨૦૦૦ પર પહોંચ્યો છે જયારે પામ તેલમા ૧૦૦નો વધારા સાથે ૧૮૯૦ રૂપિયા પહોંચ્યો છે.

દરેક દેશવાસીને હાલ પેટ્રોલ-ડીઝલના ભાવ દઝાડી રહ્યા છે. સતત વધી રહેલા ભાવથી દેશની જનતા ત્રસ્ત થઈ ગઈ છે. દેશના અનેક રાજયોમાં હાલ પેટ્રોલના ભાવ ૧૦૦ રૂપિયા લીટરે પહોંચી ગયા છે. જે રાજયોમાં વેટ અને સેસની ટકાવારી વધારે છે ત્યાં આ કિંમત હવે ન્યૂ નોર્મલ થઈ શકે છે. તો કેન્દ્રએ પહેલા જ એકસાઈઝ ડ્યૂટીમાં ઘટાડો કરવાનો ઈન્કાર કરી દીધો છે. તેથી જો ભાવમાં ઘટાડો ન થાય કે તેલ ઉત્પાદક દેશો એપ્રિલથી ઉત્પાદનમાં ભારે વધારો નથી કરતા તો ગ્રાહકોને દૂર દૂર સુધી કોઈ રાહત મળવાની આશા દેખાતી નથી.

(4:01 pm IST)
  • ગુજરાતમાં સવારથી આવકવેરાનું મોટું ઓપરેશન ચાલુ : ગુજરાતમાં આવકવેરાના મોટાપાયે દરોડા ચાલુ હોવાનું ન્યૂઝફર્સ્ટ જણાવે છે. દરમિયાન મોરબીથી મળતા અહેવાલો મુજબ મોરબીની મોટા ગજાની ૨ સીરામીક ઇન્ડસ્ટ્રીઝ ઉપર અમદાવાદ અને રાજકોટથી આવેલા મનાતા આવકવેરાના અધિકારીઓએ ધોસ બોલાવ્યાનુ જાણવા મળે છે. access_time 3:55 pm IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST

  • દેશમાં કોરોનાના સતત વધતા કેસ :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 16,019 કેસ નોંધાયા :કુલ કેસની સંખ્યા 1,10,79,094 થઇ :એક્ટિવ કેસ 1,56,413 થયા: વધુ 12,361 દર્દીઓ સ્વસ્થ થતા કુલ 1,07,61,139 થયા :વધુ 109 લોકોના મોત સાથે કુલ મૃત્યુઆંક 1,56,970 થયા access_time 1:03 am IST