Gujarati News

Gujarati News

News of Friday, 26th February 2021

શેર બજાર કડડભૂસ : સેન્સેક્સમાં 1939 અંકનું જંગી ગાબડું : નિફ્ટી 14530ની નીચે થયો બંધ

વૈશ્વિક બજારોમાં મંદી વચ્ચે અનેક મોટી કંપનીઓના શેરોના ગગડતા સેન્સેક્સ તૂટ્યો

મુંબઈ : વૈશ્વિક બજારોમાં મંદી વચ્ચે અનેક મોટી કંપનીઓના શેરોના કિંમત નીચે આવવાના કારણે શેર બજાર પણ તૂટ્યું છે. આજે સપ્તાહના આખરી દિવસે સેન્સેક્સ 1939 અંક એટલે કે 3.80 અંક તૂટીને 49,099.99ના સ્તર પર બંધ થયો હતો. જ્યારે નિફ્ટી પણ 568 અંક તૂટીને 14,529.15ના લેવલે બંધ થયો હતો આજે સેન્સેક્સમાં પણ તમામ શેર લાલ નિશાન પર બંધ થયા છે.

  અમેરિકામાં 10 વર્ષની બૉન્ડ યીલ્ડ વધવાથી વિશ્વભરના માર્કેટમાં હાહાકાર મચ્યો છે. જેની સ્પષ્ટ અસર આજે ભારતીય શેર બજારો પર પણ જોવા મળી છે. શેર બજાર કકડભૂસ થવાની સાથે જ રોકાણકારોના લાખો કરોડો રૂપિયા ડૂબ્યાં છે

  સેન્સેક્સમાં ONGC અને બજાજ ફિનના શેર સૌથી વધુ 6 ટકા તૂટ્યા હતા. જે બાદ બજાજ ફાઈનાન્સ, HDFC, પાવર ગ્રિડ, કોટક બેંક અને એક્સિસ બેંકમાં 5 ટકાથી વધુનો કડાકો જોવા મળ્યો હતો. આ સિવાય નેસ્લે ઈન્ડિયા, મારુતિ સુઝૂકી, HUL, ભારતી એરટેલ અને ICICI બેંક, SBI, રિલાયન્સ ઈન્ડસ્ટ્રીઝ અને ટેક મહિન્દ્રાના શેરોમાં પણ ઘટાડો રહ્યો છે

અત્રે ઉલ્લેખનીય છે કે, શેર બજારમાં વર્ષ 2021નો આ સૌથી મોટો કડાકો છે. છેલ્લે 4 મેના રોજ શેર બજાર આટલું મોટુ તૂટ્યું હતું. ગઈકાલે શેર બજાર વધારા સાથે બંધ થયું. સેન્સેક્સ 257 અંકની મજબૂતી સાથે 51,039.31ના સ્તર પર બંધ થયો, તો નિફ્ટી 115.35 અંકના વધારા સાથે 15097.35ના સ્તરે બંધ થયો.હતો 

(6:58 pm IST)
  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST

  • ભારતના વધુ ઍક બોલર વિનયકુમારે પણ ક્રિકેટને કર્યુ અલવિદા : તમામ ફોર્મેટમાંથી નિવૃતિ લીધાનું સોશ્યલ મીડિયા પર કરી જાહેરાત : ૨૦૧૦માં ભારત માટે ડેબ્યુ કરનાર ફાસ્ટ બોલર વિનયકુમારે તેઓની કારકિર્દીમાં ૩૧ વન-ડેમાં ૩૮ વિકેટ અને ૯ ટી-૨૦માં ૧૦ વિકેટ લીધી હતી : તેઓ ઍક પણ ટેસ્ટ મેચ રમ્યા નથી તે પહેલા જ તેમને ક્રિકેટને અલવિદા કરી દીધુ access_time 6:06 pm IST