Gujarati News

Gujarati News

News of Friday, 26th February 2021

અનોખો ચાવાળોઃ જયાં મળે છે અલગ અલગ ૧૦૦ પ્રકારની ચાઃ ૧૨ રૂપિયાથી લઈને ૧૦૦૦ રૂપિયા છે ભાવ

કોલકતા, તા.૨૬: જો તમે દરરોજની રૂટિન ચા અને રેસ્ટોરંટની ચાથી કંટાળી ગયા હોવ તો, કલકત્તામાં પહોંચી જાવ. અહીં એક નાના એવા સ્ટોલમાં તમને અલગ અલગ પ્રકારની ૧૦૦થી પણ વધારે વેરાયટીની ચા મળી જશે. કલકત્તાના મુકુંદપુરમાં એક છતરી લગાવીને નાની એવી ચાની દુકાન ચાલે છે. જયાં થોડીક પ્લાસ્ટિકની ખુરશીઓ લાગેલી હશે. અહીં ૧૦૦૦ રૂપિયાની સ્પેશિયલ ચા પણ મળે છે.

આપને જાણીને નવાઈ લાગશે પણ અહીં ચાના સ્ટોલ પર ૧૦૦ પ્રકારની ચા મળે છે, એ પણ અનોખી ટેસ્ટ સાથે. અહીં ૧૨ રૂપિયાથી લઈને ૧૦૦૦ રૂપિયા સુધીની ચા પણ મળે છે. જે હકીકતમાં Bo-Lay Tea છે, જેની કિંમત ૩ લાખ રૂપિયા પ્રતિ કિલોગ્રામ છે.અહીં અન્ય ચાની વેરાયટીમાં સિલ્વર નીડલ વાઈટ ટી, લેવેન્ડર ટી, હિબિસ્કસ ટી, વાઈન ટી, તુલસી ઝિંઝર ટી, બ્લૂ ટિશ્યન ટી, તીસ્તા વૈલી ટી, મકઈબારી ટી, રૂબિયોસ ટી અને ઓકટી ટી પણ શામેલ છે.

ચા સ્ટોલના માલિક પાર્થ પ્રતિમ ગાંગુલી જે, પહેલા નોકરીનું પ્લાનિંગ કરી રહ્યો હતો, પણ મેળ પડ્યો નહીં, તેથી તેણે નાની એવી ચાની દુકાન ખોલી અને પોતાના ધંધો શરૂ કર્યો. તેણે ૨૦૧૪માં નિર્જશ નામની દુકાન ખોલી, થોડા સમયમાં જ તેમાં સફળતા મળી. પાર્થ ફકત ચા જ નથી વેચતો, પણ તેને ચા વિશેની તમામ જાણકારી પણ માલૂમ છે.

(12:53 pm IST)
  • સીંગતેલમાં રૂ. ૭૫ અને કપાસીયા તેલ અને પામોલીન તેલના ભાવમાં રૂ.૧૦૦નો વધારો ઝીંકાયો access_time 4:25 pm IST

  • કેન્દ્રીય કર્મચારીઓને મળી શકે છે ખુશખબરી : કોરોના કાળમાં સરકારે મોંઘવારી ભથ્થું કાપ્યું હતું ત્યારે હવે જાન્યુઆરી 2021થી જૂન 2021 સુધીમાં ડીએમાં વધારો થવાની શકયતા છે :આગામી દિવસોમાં જ નવા વધારા સાથે પગાર મળશે access_time 1:26 am IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST