Gujarati News

Gujarati News

News of Friday, 26th February 2021

કંગના રનૌત કેસ

મુંબઇ ક્રાઇમ બ્રાંચે ઋતિક રોશનને પાઠવ્યુ સમન

મુંબઇ, તા.૨૬: મુંબઇ પોલીસની ક્રાઇમ બ્રાંચે જણાવ્યું કે ૨૭ ફેબ્રુઆરીએ ઋતિકને હાજર થવું પડશે. આ કેસમાં ઋતિક અને કંગના બંનેએ કથિત રીતે એકબીજાને ઇમેઇલ્સ મોકલ્યા હતા.

આ સમન વર્ષ ૨૦૧૬થી જોડાયેલા કેસમાં છે જેને બે મહિના પહેલા જ સીઆઇયુને ટ્રાંસફર કરી દેવામાં આવ્યા હતા. તે કેસમાં ફરિયાદી પણ ઋતિક રોશન જ છે. કંગનાથી જોડાયેલા આ કેસમાં પહેલા સાઇબર પોલીસ સ્ટેશન ઇન્વેસ્ટીગેશન કરી રહ્યુ હતુ. ઋતિક રોશને ૫ વર્ષ પહેલા ફરિયાદ નોંધાવી હતી. કંગના સાથે જોડાયેલો આ વિવાદ ઘણા મહિના સુધી ખુબ જ ચર્ચામાં રહ્યો હતો અને બંનેએ એક બીજાને લીગલ નોટીસ પણ મોકલી હતી. માટે કંગનાનુ પણ સ્ટેટમેન્ટ લેવામાં આવે તેવી સંભાવના છે.

ઋતિક રોશનને વર્ષ ૨૦૧૩-૧૪માં તેના મેલ આઇડી પર ઘણા બધા મેઇલ્સ આવ્યા હતા. પ્રસિદ્ઘ વકીલ મહેશ જેઠમલાણીએ મુંબઇ કમિશ્નરને આ સંદર્ભમાં જ ડિસેમ્બર ૨૦૨૦માં એક પત્ર લખ્યો હતો કે આ કેસમાં કોઇ જ પ્રગતિ થઇ નથી. તે બાદ મુંબઇ પોલીસ કમિશ્નરે આ કેસ સાઇબર સેલને ટ્રાંસફર કરી દીધો હતો.

કંગનાએ કથિત રીતે આરોપ લગાવ્યો હતો કે તે ઋતિક સાથે રિલેશનશીપમાં હતી અને તેણે લગ્ન કરવાથી ઇન્કાર કરી દીધો હતો. જે બાદ બંને વચ્ચે ઘણો સમય લીગલ નોટિસનો સિલસિલો ચાલુ રહ્યો હતો.

(12:53 pm IST)
  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST