Gujarati News

Gujarati News

News of Thursday, 25th February 2021

દિલ્હીના બગીચાઓમાં ખેતી કરશે ખેડૂતો: રાજસ્થાનમાં મહાપંચાયતમાં હજારો ખેડૂતોની હાજરીમાં રાકેશ ટિકૈતનો હુંકાર

ખેડૂતોને દિલ્હી કૂચ કરવાનું આહ્વાન: 40 લાખ ટ્રેક્ટરની સાથે સંસદ માર્ચ કરવાની જાહેરાત

નવી દિલ્હી : કૃષિ કાયદાઓની વિરુદ્ધ આંદોલન કરી રહેલા ખેડૂત નેતા રાકેશ ટિકૈતે રાજસ્થાન ના કરીરીમાં ખેડૂતોને સંબોધિત કરતા ખેડૂતોને દિલ્હી કૂચ કરવાનું આહ્વાન કર્યું. તેમણે 40 લાખ ટ્રેક્ટરની સાથે સંસદ માર્ચ કરવાની જાહેરાત કરતા દિલ્હી કૂચની શરૂઆત કરવાની વાત કહી. કરૌલીના કરીરીમાં હજારોની સંખ્યામાં ખેડૂતો ટિકૈતને સાંભળવા પહોંચ્યા હતા. કૃષિ કાયદાઓની વિરુદ્ધ ખેડૂત નેતા રાકેશ ટિકૈત ઉગ્ર બની રહ્યા છે અને અનેક શહેરોમાં ખેડૂત સભાઓ સંબોધિત કરી રહ્યા છે.

ટોડાભીમના ભૈરવ બાબા કુશ્તી દંગલ સ્ટેડિયમમાં આયોજિત ખેડૂત મહાપંચાયતમાં મોટી સંખ્યામાં ખેડૂતો પોતાના ટ્રેક્ટરની સાથે સભામાં પહોંચ્યા.હતા 

રાકેશ ટિકૈતે અહીંથી ખેડૂતોને ટ્રેક્ટરની સાથે દિલ્હી કૂચ કરવાની અપીલ કરી. રાકેશ ટિકૈત ખુલ્લી કારમાં સવાર થઈને સ્ટેજ પર પહોંચ્યા, જ્યાં લોકોએ 101 ફૂટનો સાફો પહેરાવીને અને હળ ભેટ કરીને તેમનું સ્વાગત કર્યું. ખેડૂતોને સંબોધિત કરતા તેમણે સરકાર પર ખેડૂતોની અવગણના કરવાનો આરોપ લગાવ્યો હતો .

રાકેશ ટિકૈતે ત્રણેય કૃષિ કાયદા પાછા લેવા તેમજ MSP નક્કી ના થવા સુધી આંદોલન ચાલું રહેવાની ચેતવણી આપી છે. તેમણે કહ્યું કે, 24 માર્ચ સુધી અલગ-અલગ સ્થાનો પર સભાઓને સંબોધિત કરવાનો કાર્યક્રમ છે. ત્યારબાદ આસામ, કર્ણાટક તેમજ અન્ય રાજ્યોમાં પણ જઇશું અને આંદોલન ચલાવીશું. તેમણે કહ્યું કે, આનાથી કોઈ પણ રાજકીય દળને સંબંધ નથી. તેમણે લાંબા સમય સુધી ચાલનારા આંદોલન માટે તૈયાર રહેવા અને દિલ્હી કૂચની જાહેરાત પર ટ્રેક્ટર લઇને આવવા પણ અપીલ કરી.હતી 

ટોડાભીમના કરીરીમાં ખેડૂત મહાપંચાયતમાં ખેડૂત નેતા રાકેશ ટિકૈતને 101 ફૂટનો સાફો પહેરાવવામાં આવ્યો. મહાપંચાયતમાં યોગેન્દ્ર યાદવ, જાટ નેતા રાજારામ મીલ પણ પહોંચ્યા. કરીરીમાં ખેડૂત મહાપંચાયતને યોગેન્દ્ર યાદવે સંબોધિત કરી. તેમણે પોતાના ભાષણમાં લોકોને પ્રત્યેક ઘરેથી એક સભ્ય શાહજહાંપુર બૉર્ડર મોકલવાની અપીલ કરી. સાથે જ સરકારથી પાકના વેચાણ પર MSPની ગેરંટીની માંગ પણ કરી. ખેડૂત નેતા રાકેશ ટિકૈતે કહ્યું કે, કલમ અને કેમેરા પર બંદૂકનો પહેરો છે અને આજે કૃષિ કાયદાઓની વિરુદ્ધ આખો દેશ એકત્ર થઈ ગયો છે અને આ એક ક્રાંતિ છે જેને ડંડા અને બંદૂકના દમ પર ના તો રોકી શકાય છે અને ના ખત્મ કરી શકાય છે. ખેડૂતો હવે દિલ્હીના ઇન્ડિયા ગેટની પાસે આવેલા તમામ ગાર્ડનમાં ખેતી કરશે.

(12:55 am IST)
  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST