Gujarati News

(અશ્વિન વ્યાસ દ્વારા) ગાંધીનગર, તા., ર૬: રાજયમાં નાણા વિભાગનો હવાલો સંભાળતા નાયબ મુખ્યમંત્રી શ્રી નિતીન પટેલે આજે નવા નાણાકીય વર્ષનું બજેટ રજુ કર્યુ છે. બજેટનું કદ ર,૧૭,ર૮૭ લાખ કરોડનું છે. જેમાં ૬૦પ કરોડની પુરાંત દર્શાવે છે. સૌથી વધુ ૭૪ર૩ કરોડ કૃષિ વિભાગ માટે ફાળવવામાં આવ્યા છે. મુખ્યમંત્રી પાક સંગ્રહ યોજના સહીતની વિવિધ યોજનાઓ જાહેર કરવામાં આવી છે.

જંગી કદના બજેટમાં મુખ્યમંત્રી સંગ્રહ યોજના અંતર્ગત ખેડુતોને નાના ગોડાઉન, સ્ટોરેજ વિગેરે માટે સહાય આપવામાં આવશે. પાક વિમો ભરવા ઇચ્છતા ખેડુતો માટે ૩૩૦ કરોડની જોગવાઇ કરવામાં આવી છે. ખેડુતોને ગાય દીઠ સહાય આપવામાં આવશે. પાક વિમા સહાય માટે વિશેષ જોગવાઇ છે. બજેટ ગ્રામીણ લક્ષી દેખાય છે. પશુદાણ યોજના માટે રૂ.ર­­૦૦ કરોડ ફાળવવામાં આવ્યા છે. આ લખાય છે ત્યારે શ્રી નિતીન પટેલે પોતાનું બજેટ પ્રવચન શરૂ કર્યુ છે. વિવિધ યોજનાઓની જાહેરાતોના નિર્દેશ છે. બજેટ પ્રવચન પુરૂ થયા પછી ભાગ-રમાં કરવેરા અને કર રાહતનો લગતો ઉલ્લેખ દર્શાવવામાં આવશે. વધુ માહીતી મેળવાઇ રહી છે.