Gujarati News

ચેન્નાઇ : સ્વર્ગીય ડિફેન્સ સ્ટાફ ચીફ (CDS) જનરલ બિપિન રાવતને ફાસીવાદીઓના  પ્રતિનિધિ કહેવા બદલ નોંધાયેલી FIR મદ્રાસ હાઈકોર્ટે રદ કરી છે. વિવિધ જૂથોને ઉશ્કેરવા, દુશ્મનાવટને પ્રોત્સાહન આપવા અને ઇરાદાપૂર્વક અપમાન કરવાના આરોપસર એફઆઈઆર દાખલ કરવામાં આવી હતી.પિટિશનરે આપેલા પુરાવાઓ અપૂર્ણ હોવાનું નામદાર કોર્ટે મંતવ્ય વ્યક્ત કરી FIR રદ કરી હતી.

નોંધનીય ગુનાઓના ઘટકો અપૂર્ણ હોવાનું જણાયું હોવા છતાં, અદાલતે અરજદારની ક્રિયાઓ તમિલ સંસ્કૃતિ સાથે સુસંગત ન હોવાનું જણાયું હતું.
પોસ્ટમાં જનરલ રાવતને "ફાસીવાદીઓના ભાડૂતી" તરીકે ઓળખવામાં આવ્યા હતા.

હાઈકોર્ટના સિંગલ જજે જણાવ્યું હતું કે ગુનાના આવશ્યક ઘટકો પૂરા થયા નથી.
ન્યાયાધીશ દ્વારા અરજદારના વર્તન પર ટીકાત્મક ટિપ્પણી સાથે એફઆઈઆર રદ કરવામાં આવી હતી.

ન્યાયમૂર્તિ જી.આર. સ્વામીનાથને સ્વીકાર્યું કે અરજદારનું વર્તન ચોક્કસપણે મોટાભાગના લોકોની નૈતિક ભાવનાને ઉશ્કેરશે, તેમ છતાં તેમણે જણાવ્યું કે આ મુદ્દાનો ઉદ્દેશ્ય માપદંડો પર નિર્ણય થવો જોઈએ.
 

“કોઈપણ એન્ગલથી જોવામાં આવે તો પણ આ કેસમાં IPCની કલમ 153, 504 અને 505(2) ના ગુનાઓની રચના કરતા આવશ્યક ઘટકો ગેરહાજર છે. અસ્પષ્ટ એફઆઈઆર જાળવી શકાતી નથી. તે રદ કરવામાં આવે છે તેવું નામદાર કોર્ટે જણાવ્યું હતું. તેવું બી.એન્ડ બી.દ્વારા જાણવા મળે છે.