Gujarati News

Gujarati News

News of Tuesday, 26th January 2021

દિલ્હીના અમુક વિસ્તારોમાં ઇન્ટરનેટ સર્વિસ બંધ : જાહેર સલામતી જાળવવા આજ 26 જાન્યુઆરીના રોજ રાત્રે બાર વાગ્યા સુધી ઇન્ટરનેટ સેવાઓ બંધ રહેશે : કેન્દ્ર સરકારનો આદેશ

ન્યુદિલ્હી : આજ 26 જાન્યુઆરીના રોજ રાત્રે બાર વાગ્યા સુધી દિલ્હીના અમુક વિસ્તારોમાં ઇન્ટરનેટ સેવાઓ બંધ રાખવાનો કેન્દ્ર સરકારે આદેશ આપ્યો છે.

દિલ્હીમાં ચાલી રહેલા કિસાન આંદોલન દરમિયાન પોલીસ અને ખેડૂતો વચ્ચે થયેલી હિંસક ઝપાઝપીને ધ્યાને લઇ કેન્દ્ર સરકારના ગૃહ મંત્રાલયે ઉપરોક્ત નિર્ણય લીધો છે. જ્યાં ઇન્ટરનેટ સેવાઓ રાત્રીના 12 વાગ્યા સુધી સ્થગિત કરીદેવાઈ  છે તે  વિસ્તારોમાં ગાઝીપુર ,ટીકરી ,સિંઘુ , મુકબરા ચોક ,તથા નંગલોઈ ,નો સમાવેશ થાય છે.

આ આદેશ ડેપ્યુટી સેક્રેટરી એમ.એચ.એ.શૈલેન્દ્ર વિક્રમ સિંઘે તેમની સત્તાની રૂએ ઇન્ડિયન ટેલિગ્રાફ એક્ટ 1885 ના રુલ નંબર 2 હેઠળ સલામતીના હેતુસર બહાર પાડ્યો છે.તેવું બી.એન્ડ બી.દ્વારા જાણવા મળે છે.

(7:31 pm IST)
  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST

  • આજે સવારે પ્રજાસત્તાક દિન નિમિત્તે વડાપ્રધાન શ્રી નરેન્દ્રભાઈ મોદીએ ગયા વર્ષે જ નવસર્જિત અને તેમના વરદ હસ્તે ખુલ્લા મુકાયેલા નેશનલ વોર મેમોરીયલ ખાતે જઈને ભારત-પાક યુદ્ધમાં શાહી થયેલા જવાનોને શ્રદ્ધા સુમન અર્પણ કર્યા હતા, સાથે રાજનાથસિંહ જોડાયા હતા. ઇન્ડિયા ગેટ ખાતે અમર જવાન જ્યોતિ ખાતે જવાને બદલે ગયા વર્ષે ખુલ્લા મુકાયેલ નેશનલ વોર મેમોરીયલ ખાતે તેમણે જવાનું પસંદ કર્યું હતું. access_time 12:45 pm IST

  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST