Gujarati News

Gujarati News

News of Wednesday, 25th November 2020

સુશીલ મોદીએ બહાર પાડયો ઓડિયો

લાલુપ્રસાદ જેલમાંથી સરકાર પાડવાનું રચી રહ્યા છે ષડયંત્ર

પટણા, તા.૨૫: બિહારના ભૂતપૂર્વ ડે.સીએમ અને ભાજપના નેતા સુશીલ મોદીએ રાષ્ટ્રીય જનતા દળ (RJD) પ્રમુખ લાલુ પ્રસાદ યાદવ પર જેલમાંથી ફોન કરીને બિહારની સરકાર પાડવાનું ષડયંત્ર રચવાનો આરોપ લગાવ્યો છે. આ સાથે જ તેમણે એક ઓડિયો કિલપ પણ બહાર  પાડી છે. જેમાં લાલુ પ્રસાદ યાદવ, ભાજપ ધારાસભ્ય લલન પાસવાન સાથે વાત કરતા મંત્રી પદની ઓફર કરી.

સુશીલ મોદીએ ઓડિયો કિલપ શેર કરીને ટ્વિટર પર લખ્યું કે, 'લાલુ યાદવે દેખાડી પોતાની અસલિયત. લાલુ યાદવ દ્વારા NDAના ધારાસભ્યને બિહાર વિધાનસભા અધ્યક્ષ માટે થનારી ચૂંટણીમાં મહાગઠબંધનના પક્ષમાં મતદાન કરવાના માટે લાલચ આપતા..' ઓડિયો કિલપમાં લાલુ યાદવે ધારાસભ્યનું પૂરેપૂરું નામ નથી લીધુ અને તેમને પાસવાનજી કહીને સંબોધન કર્યું છે. જો કે કહેવાય છે કે તેમણે ભાજપના ધારાસભ્ય લલન પાસવાનને ફોન કર્યો હતો.

ઓડિયો કિલપમાં સૌથી પહેલા લાલુ યાદવના પીએનો અવાજ આવે છે. જે વિધાયક સાથે વાત કરવા માટે કહે છે. તેમણે કહ્યું કે વિધાયકજીને ફોન આપો, સાહેબ વાત કરશે, માનનીય લાલુ પ્રસાદ યાદવ. આગળ લાલુ યાદવના પીએએ કહ્યું કે તેઓ રાંચીથી વાત કરે છે.

લાલુ યાદવ-ધારાસભ્ય વચ્ચે શું થઈ વાત

લાલુ યાદવ- પાસવાનજી અભિનંદન.

વિધાયક- જી પ્રણામ. ચરણ સ્પર્શ.

લાલુ- અમે લોકો તમને આગળ વધારીશું. કાલે સ્પીકરની ચૂંટણીમાં અમારો સાથ આપો. અમે સરકાર પાડી દઈશું અને તમને મંત્રી બનાવીશું.

વિધાયક- હું પાર્ટીમાં છું સર.

લાલુ- પાર્ટીમાં છો તો એબ્સન્ટ થઈ જાઓ. કહી દો કે કોરોના થઈ ગયો હતો. સ્પીકર ફરીથી અમારા થશે તો બધુ જોઈ લઈશું.

વિધાયક- તમારા ધ્યાનમાં હશે જ ચહેરો, અમે વાત કરીશું.

ઓડિયો કિલપમાં એક અવાજ લાલુ પ્રસાદ યાદવનો અને બીજો અવાજ ભાજપના ધારાસભ્ય લલન પાસવાનનો હોવાનું કહેવાય છે.

બિહાર સરકારના મંત્રી રામસૂરત રાયે લાલુ યાદવનો ઓડિયો વાયરલ થયા બાદ કહ્યું કે નેચર અને સિગ્નેચર કોઈ બદલી શકે નહી. લાલુ યાદવ એ જ કરે છે જે પહેલા કરતા હતા.

(3:30 pm IST)
  • દિલ્હીમાં તાંડવ મચાવે છે કોરોનાઃ સતત પાંચમાં દિવસે ૧૦૦થી વધુના મોતઃ ર૪ કલાકમાં ૬૬ર૪ કેસઃ ગઇકાલે વધુ ૧૦૯ના મોત નોંધાયા access_time 3:20 pm IST

  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • 2020 ની સાલમાં રાજકીય પાર્ટીઓએ ગુમાવ્યા દિગ્ગજ નેતાઓ : કોંગ્રેસના અહમદ પટેલ ,તરૂણ ગોગોઈ ,તથા પ્રણવ મુખરજી ,ભાજપના જસવંતસિંહ ,તથા લોક જનશક્તિ પાર્ટીના રામવિલાસ પાસવાને ચીર વિદાઈ લીધી access_time 12:44 pm IST