Gujarati News

Gujarati News

News of Wednesday, 25th November 2020

૩૦ કરોડ લોકોને પહેલા વેકસીન અપાશેઃ ચૂંટણી જેવી મહાતૈયારીઃ પોલીંગ બુથ જેવા બનશે 'વેકસીન બુથ'

સૌ પહેલા કોરોના વોરીયર્સને વેકસીન અપાશેઃ નીતિ આયોગે તૈયાર કર્યો પ્લાન

નવી દિલ્હી, તા. ૨૫ :. કોરોનાને નિપટવા માટે હજુ ભલે કોઈ દવાને કેન્દ્ર તરફથી મંજુરી નહી મળી હોય પરંતુ ૩૦ કરોડ લોકોને વેકસીન આપવાની તૈયારી થઈ રહી છે. આમ તો દરેક દેશવાસીઓને રસી લગાવવાની યોજના છે પરંતુ સૌ પહેલા ૩૦ કરોડ લોકોને રસી લાગશે. સૌ પહેલા હેલ્થ વર્કર્સ, ફ્રન્ટ લાઈન વર્કર્સ અને સીનીયર સીટીઝનને વેકસીન આપવાની તૈયારી છે. વેકસીન માટે નિતી આયોગ તરફથી સૂચન થયા મુજબ ચૂંટણીમાં જે રીતે પોલીંગ બુથ બનાવવામાં આવે છે તેવા જ વેકસીન બુથ બનાવી લોકોને વેકસીન ઉપલબ્ધ કરાવાશે.

ગઈકાલે કેન્દ્ર તરફથી રાજ્યોને આ માટે તૈયારી કરવા જણાવાયુ છે. નીતિ આયોગના સભ્ય પોલે મુખ્યમંત્રીઓને કહ્યુ હતુ કે કોરોના વેકસીન લગાવવા માટે પોલીંગ બુથની જેમ ટીમો રચના થશે અને બ્લોક લેવલે રણનીતિ તૈયાર કરાશે. સરકારી તથા ખાનગી ડોકટરોને આ અભિયાનમાં જવાબદારી સોંપાશે. આ માટે જનભાગીદારી માટે પણ પ્રયાસો થશે અને તેઓને યોગ્ય ટ્રેનીંગ અપાશે.

દિલ્હી, મહારાષ્ટ્ર, કેરળ અને રાજસ્થાનને આ માટે તૈયારી કરવા જણાવાયુ છે કારણ કે ત્યાં કેસ અને મોત વધી રહ્યા છે.

(3:30 pm IST)
  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • વર્ચ્યુઅલ એક્સપો 2020 એક વર્ષના સમયગાળા માટે ૧ ડિસેમ્બરથી શરૂ થશે : ફિકી દ્વારા નેટ ઉપર એન્યુઅલ વર્ચ્યુઅલ એક્સપો 2020 એક વર્ષના સમયગાળા માટે 11 ડિસેમ્બર 2020 ના રોજ શરૂ થશે. access_time 11:30 pm IST

  • ગુજરાતમાં મોટી હલચલ? : ગુજરાતમાંથી ખૂબ જ મોટા સમાચારોનો ટૂંક સમયમાં ધડાકો થવા જઈ રહેલ હોવાનું ‘ન્યુઝ ફર્સ્ટ’ નોધે છે access_time 12:25 pm IST