Gujarati News

Gujarati News

News of Wednesday, 25th November 2020

દિલ્હીમાં રેલ્વે પાટા આસપાસની ઝુપડપટ્ટી હટાવવાના કાર્યને બ્રેક

કેન્દ્ર સરકારે સમય માંગતા કોર્ટે ચાર અઠવાડીયા સુનાવણી પાછી ઠેલી : આ દરમિયાન દબાણ હટાવ કાર્ય નહી થઇ શકે : પીપીપી મોડેલ તળે ઝુપડાઓને નવા રંગરૂપ આપવા પણ વિચારણા

નવી દિલ્હી તા. ૨૫ : રાષ્ટ્રીય રાજધાની દિલ્હીમાં રેલ્વેના પાટા આસપાસ લગભગ ૪૮૦૦૦ જેટલી ઝુપડપટ્ટી વસી ચુકી છે. પરંતુ ગરીબોના આ આશરાને હટાવવાની કામગીરી પર હવે બ્રેક લાગી ગઇ છે.

કેન્દ્ર સરકારે મંગળવારે સુપ્રિમ કોટને આ મામલે અંતિમ નિર્ણય માટે સમય માંગ્યો હતો. કોર્ટે ચાર અઠવાડીયા પછી સુનાવણી રાખી એવુ સ્પષ્ટ જણાવ્યુ છે કે આ દરમિયાન દબાણના નામે કોઇપણ ઝુપડપટ્ટી હટાવી શકાશે નહીં.

ચીફ જસ્ટીસ એસ.એ. બોબડેની ત્રણ સભ્યોની પીઠ સમક્ષ કેન્દ્ર સરકાર તરીફથી સોલીસીટર જનરલ તુષાર મહેતાએ જણાવ્યુ હતુ કે આ બાબતને લઇને વિચાર વિમર્શ જરૂરી છે. પીઠે તેમના આગ્રહને માન આપી સમય આપ્યો છે. હવે દિલ્હી સરકાર અને રેલ્વે વચ્ચે એક મહત્વની બેઠક થશે. તેમાં સમાધાનકારી ઉપાયો વિચારી રસ્તો કઢાશે.

એક વિકલ્પ પ્રધાનમંત્રી આવાસ યોજના તળે આ ઝુપડીઓને પુનઃસ્થાપિત કરવા માટે પણ વિચારાયો છે. પીપીપી મોડેલ તળે આ ઝુપડીઓને નવા રંગરૂપ મળી શકે છે.

(12:53 pm IST)
  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST

  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST