Gujarati News

Gujarati News

News of Wednesday, 25th November 2020

પગાર પંચ પ્રશ્ને આજે BSNL કર્મચારીઓની દેશવ્યાપી હડતાલ

આજે બપોરે ૨ વાગ્યે દેખાવો - સૂત્રોચ્ચાર કરાયા : 4G સેવા - અનિયમીત પગાર - મેડીકલ બીલ સહિતના મુદ્દા અંગે લડત

રાજકોટ તા. ૨૫ : ત્રીજા બેઇઝ રીવીઝન એટલે કે ત્રીજા પગાર પંચ પ્રશ્ન સહિતના એક ડઝન મુદ્દા અંગે આજે રાજકોટના ૩૫૦ સહિત દેશભરના ૭૦ હજારથી BSNL કર્મચારીઓ એક દિવસની રાષ્ટ્રવ્યાપી હડતાલ ઉપર ઉતરી જશે. યુનિયન આગેવાનોના જણાવ્યા પ્રમાણે અનેક વખત રજૂઆતો - મંત્રણા છતાં સરકારે કોઇ ઉકેલ નહી લાવતા તમામ યુનિયનોએ એક સાથે હાકલ કરી હડતાલનું એલાન આપ્યું છે, આ હડતાલમાં રાજકોટ શહેર - જિલ્લાના ૩૫૦ ઉપરાંત ગુજરાતના ૬ હજાર સહિત દેશભરમાં ૭૦ હજાર કર્મચારીઓ હડતાલમાં જોડાશે.

પગારપંચ ઉપરાંત 4G સેવામાં થતાં ઠાગાઠૈયા, દર મહિને અનિયમીત પગાર, કોન્ટ્રાકટ બેઇઝ હેલ્પરો - કર્મચારીઓના બાકી ભથ્થા, મેડીકલ બીલ સહિત કુલ ૧૦ થી ૧૨ પ્રશ્નો અંગે કર્મચારીઓએ હડતાલ શરૃ કરી છે.

દરમિયાન આજે મોંઘવારી કાપના મુદ્દે બપોરે ૨ વાગ્યે રાજકોટ સહિત દેશભરમાં કર્મચારીઓએ દેખાવો - સૂત્રોચ્ચાર કર્યા હતા, કાલે હડતાલને કારણે બીલીંગ સહિતની અનેક સેવાઓ ઠપ્પ થશે, કાલે પણ કર્મચારીઓ દ્વારા દેખાવો યોજાશે તેમ સૂત્રોએ ઉમેર્યું હતું.

(10:31 am IST)
  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • દિલ્હીમાં તાંડવ મચાવે છે કોરોનાઃ સતત પાંચમાં દિવસે ૧૦૦થી વધુના મોતઃ ર૪ કલાકમાં ૬૬ર૪ કેસઃ ગઇકાલે વધુ ૧૦૯ના મોત નોંધાયા access_time 3:20 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST