Gujarati News

Gujarati News

News of Wednesday, 25th November 2020

ભાવુક બનાવી દેતી કથની

સેકસ ચેંજ કરાવતા ડોકટરે ગુમાવવી પડી નોકરીઃ પરિવારે કાઢી મૂકયો : હવે ભીખ માંગે છે

મદુરાઈ,તા. ૨૫:૨૦૧૮માં MBBS થયેલો એક ડોકટર ભીખ માગતા ઝડપાતા પોલીસ પણ આશ્ચર્યમાં પડી ગઈ છે. તમિલનાડુના આ ડોકટરે ડિગ્રી લીધા બાદ એક હોસ્પિટલમાં કામ કરવાનું શરુ કર્યું હતું. જોકે, તેણે લિંગ પરિવર્તનનું ઓપરેશન કરાવતા તેને નોકરીમાંથી કાઢી મૂકવામાં આવ્યો હતો.

તાજેતરમાં જ પોલીસે શેરીઓમાં ભીખ માગતા એક કિન્નરોના જૂથને પકડ્યું હતું. પકડાયેલા કિન્નરોની ઓળખ દરમિયાન એક કિન્નરે પોતે ડોકટર હોવાનું જણાવ્યું હતું. પોલીસને પણ શરુઆતમાં તેની વાત પર વિશ્વાસ નહોતો પડ્યો, પરંતુ તેણે પોતાના ડોકયુમેન્ટ રજૂ કરતા પોલીસ પણ વિચારમાં પડી ગઈ હતી.

સ્થાનિક પોલીસ ઈન્સ્પેકટર જી કવિતાના જણાવ્યા અનુસાર આ કિન્નરે મદુરાઈની મેડિકલ કોલેજમાં અભ્યાસ કર્યો હતો. અભ્યાસ દરમિયાન તે ખૂબ જ હોશિયાર હતો અને ત્યારે તે પુરુષ હતો. જોકે, અભ્યાસ બાદ તેણે લિંગ પરિવર્તન માટે સર્જરી કરાવી હતી. જેના કારણે નોકરી જતી રહેતા તેણે કિન્નરો સાથે રહેવાનું શરુ કરી દીધું હતું.

સર્જરી બાદ આ ડોકટર સ્ત્રી બની ગયા હતા. તેણે લિંગ પરિવર્તન બાદ પોતાના સર્ટિફિકેટમાં પણ ફેરફાર કરાવવા પ્રક્રિયા હાથ ધરી છે, અને તે પોસ્ટ-ગ્રેજયુએશનનો અભ્યાસ કરવા પણ ઈચ્છે છે.

મદુરાઈની મેડિકલ કોલેજ એન્ડ ગવર્મેન્ટ રાજાજી હોસ્પિટલના ડીન ડો. જે. સંગુમણીને આ મામલાની જાણ થતાં તેમણે પોતાના સ્ટૂડન્ટને આગળના અભ્યાસ માટે મદદ કરવાની તૈયારી દર્શાવી છે.

પોલીસ અને એક મેડિકલ લેબે આ ડોકટરને એક કિલનિક ખોલાવી આપ્યું છે. જોકે, તેણે લિંગ પરિવર્તનનું ઓપરેશન કરાવતા તેના પરિવારજનોએ પણ તેની સાથેના તમામ સંબંધો કાપી નાખ્યા છે.

(9:14 am IST)
  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • વૃંદાવનમાં વૈષ્ણવોની પરિક્રમાનો પ્રારંભ : હજારો વૈષ્ણવો જોડાયા access_time 12:52 pm IST

  • સંસદ ભવનના ગેટ નંબર એક ઉપર આવેલી મહાત્મા ગાંધીની પ્રતિમા હટાવાશે : આ પ્રતિમા સામે બેસી સાંસદો ગાંધી ચિંદ્યા માર્ગે વિરોધ વ્યક્ત કરે છે : ભવનના નવનિર્માણનું કાર્ય ચાલી રહ્યું હોવાથી ટૂંક સમય માટે પ્રતિમા હટાવી પાછી યોગ્ય જગ્યાએ મૂકી દેવાશે access_time 11:43 am IST