Gujarati News

Gujarati News

News of Tuesday, 25th September 2018

વોડાફોનમાં બ્રોડબેન્ડ ગ્રાહકો માટે જીયોને ટક્કર આપવા ૪ મહિના ઇન્‍ટરનેટ સુવિધા ફ્રીની ઓફર

નવી દિલ્હી- Jioના GigaFiberને ધ્યાનમાં રાખીને વોડાફોનએ પોતાના બ્રોડબેન્ડ ગ્રાહકો માટે ધમાકેદાર ઓફર રજુ કરી છે. કંપનીએ પોતાના YOU બ્રોડબેન્ડ સેવાના યુઝર્સને 4 મહિના માટે ફ્રી ઈન્ટરનેટ આપવાની જાહેરાત કરી છે. કંપનીએ કહ્યું છે કે જો યુઝર્સ પોતાના બ્રોડબેન્ડ પ્લાન માટે 12 મહિનાનું સબ્સક્રિપ્શન લેશે તો તેમને 4 મહિનાનું ફ્રી સબ્સક્રિપ્શન મળશે. એટલે કે 12 મહિનાના પૈસા ભરીને તમે 16 મહિના સુધી અનલિમિટેડ ઈન્ટરનેટનો લાભ લઈ શકશો.

કંપનીનું ચાર મહિનાનું વધારાનું સબ્સક્રિપ્શન 12 મહિનામાં વહેંચાયેલુ છે. જો ગ્રાહક પોતાના પ્લાનને 6 મહિના માટે વધારે છે તો તેને 2 મહિનાનું ફ્રી સબ્સક્રિપ્શન મળશે. જો 9 મહિનાની વેલિડિટી લેશે તો 3 મહિનાનું ફ્રી સબ્સક્ર્પ્શન મળશે. ઓફરનો લાભ લેવા માટે યુઝર્સે વોડાફોનની સાઈટ પરથી રિચાર્જ કરાવવાનું રહેશે અને UPGRADE33 પ્રોમોકોડનો ઉપયોગ કરવાનો રહેશે.

ઓફરનો લાભ લેવા માટે ગ્રાહકોએ 30 સપ્ટેમ્બર પહેલા રિચાર્જ કરવાનું રહેશે. ઉલ્લેખનીય છે કે 15 ઓગસ્ટથી જિયો ગીગાફાઈબરનું રજિસ્ટ્રેશન શરુ થયું છે અને થોડા દિવસ પહેલા સમાચાર મળ્યા હતા કે કંપની ટુંક સમયમાં 900 મોટા શહેરોમાં પોતાની સેવાઓ શરુ કરી શકે છે. કંપનીના પ્લાન 500 રુપિયાથી શરુ થાય તેવી શક્યતા છે અને શરુઆતના 3 મહિના સુધી 300GB ડેટા ફ્રી આપવામાં આવશે.

(12:00 am IST)