Gujarati News

Gujarati News

News of Sunday, 25th August 2019

ઉત્તર પ્રદેશ, કેરળ, ત્રિપુરા અને છત્તીસગઢમાં વિધાનસભાની એક-એક સીટ માટે 23 સપ્ટેમ્બરના રોજ ચૂંટણી યોજવાનું જાહેર કરતું ચૂંટણી પંચ : 27 સપ્ટેમ્બરે મતગણતરી : 4 સપ્ટેમ્બર સુધી ભરી શકશે ઉમેદવારી પત્ર

નવી દિલ્હીઃ ચૂંટણી પંચ દ્વારા આજે ઉત્તર પ્રદેશ, કેરળ, ત્રિપુરા, છત્તીસગઢમાં વિધાનસભાની એક-એક સીટ માટે પેટા ચૂંટણીની તારીખ જાહેર કરવામાં આવી હતી. આ રાજયોમાં 23 સપ્ટેમ્બરના રોજ ચૂંટણી યોજાશે.

છત્તીસગઢની 88 દંતેવાડા (એસટી), કેરળની 93 પાલા, ત્રિપુરાની 14-બાધરઘાટ (એસસી) અને ઉત્તરપ્રદેશની 228-હમીરપુર વિધાનસભાની પેટા ચૂંટણી યોજાશે. 27 સપ્ટેમ્બરે મતગણતરી થશે. ઉમેદવારો પાસે 4 સપ્ટેમ્બર સુધી ઉમેદવારી પત્ર ભરી શકશે. ઉમેદવારી પત્ર પાછી ખેંચવાની અંતિમ તારીખ 7 સપ્ટેમ્બર છે.

ભારતીય જનતા પાર્ટીના ધારાસભ્ય અશોક ચંદેલનું સભ્યપદ ખતમ થયા બાદ આ સીટ ખાલી છે. ચૂંટણી પંચની માહિતી મુજબ 19 એપ્રિલ, 2019થી હમીરપુર સીટ ખાલી માનવામાં આવી છે.  છત્તીસગઢના દંતેવાડામાં નકસલીઓ દ્વારા ધારાસભ્ય ભીમા મંડાવીની હત્યા બાદ આ સીટ ખાલી પડી હતી.

(10:05 pm IST)
  • ગોંડલ હાઇવે પર આશાપુરા ચોકડી ઉમવાળા ચોકડી શુધી પર્યટકો ના વહાનો ની લાંબી કતારો તસ્વીર ભાવેશ ભોજાણી access_time 6:02 pm IST

  • જુનાગઢમાં વંથલી નગરપાલિકાના પૂર્વ પ્રમુખની થોડા દિવસ પહેલા થયેલ હત્યાનો ભેદ ઉકેલાયો : લોકલ ક્રાઈમ બ્રાંચ પોલીસે એક આરોપીની કરી ધરપકડ : પૂછપરજ ચાલુ access_time 9:27 pm IST

  • બિહારમાં આરજેડીના ધારાસભ્ય તેજપ્રતાપ યાદવ, જેઓ હંમેશા પોતાના લૂક અને સ્ટાઈલને કારણે ચર્ચામાં રહે છે, આ વખતે જન્માષ્ટમી નિમિત્તે ફરીથી એક નવા લુકમાં દેખાયા. તે શનિવારે મધ્યરાત્રિએ કિશન કન્હૈયા બની ગયા હતા. તેણે વાંસળી પણ વગાડી અને કૃષ્ણ બનીને બાલ ગોપાલની પૂજા કરી હતી. તો બીજી બાજુ, રાંચીના રિમ્સમાં, આરજેડી સુપ્રીમો લાલુ પ્રસાદ યાદવે ભગવાન શ્રીકૃષ્ણના બાળ સ્વરૂપની પૂજા - અર્ચના કરી હતી. access_time 12:02 am IST