Gujarati News

Gujarati News

News of Saturday, 25th May 2019

જમાઇએ દહેજ લેવાની ના પાડતાં કન્યાના પિતાએ ૧ લાખ રૂપિયાનાં ૧૦૦૦ પુસ્તક ગિફટ આપ્યા

કલકત્તા તા. રપઃ પહેલાં ખુલ્લેઆમ દહેજપ્રથા હતી, પણ હવે દહેજ છાનેછપને લેવાય છે. દહેજની પ્રથા હજી જડમૂળથી દૂર નથી થઇ અને એટલે જ ગરીબોને દીકરીનાં લગ્ન કરાવવામાં અડચણ આવે છે. જોકે પશ્ચિમ બંગાળના સોનારપુર ગામમાં દહેજને લગતો અનોખો બનાવ બન્યો હતો. વ્યવસાયે શિક્ષક એવા કલકત્તાના રહેવાસી સુર્યકાન્ત બરીકને લગ્ન પહેલાં જ તેના સાસરાપક્ષને કહી દીધું હતું કે હું કોઇપણ પ્રકારનું દહેજ સ્વીકારીશ નહીં. તેની મંગેતર પ્રિયંકાને પણ સુર્યકાન્તની આ વાત બહુ ગમી ગયેલી. સૂર્યકાન્તનું કહેવું છે કે મને અને પ્રિયંકાને વાંચવાનો બહુ શોખ છે અને એને કારણે અમે એકમેકની પસંદગી કરેલી. લગ્ન પહેલાં જ સૂર્યકાન્તે સ્પષ્ટતા કરી રાખેલી કે તેને કોઇપણ પ્રકારે દહેજ આપવું નહીં. જોકે જયારે તે પરણવા માટે માંડવે પહોંચ્યો ત્યારે કન્યાના પિતાએ તેને જબરી સરપ્રાઇઝ આપી હતી. સાસરિયાએ તેને એક લાખ રૂપિયાનાં ૧૦૦૦ પુસ્તકો ગિફટ આપ્યાં હતાં. કન્યાના પરિવારનું કહેવું હતું કે દુનિયાની કોઇ ગિફટ નોલેજની ભેટ કરતાં ચડિયાતી નથી.

(3:17 pm IST)
  • કોંગ્રેસ કારોબારીમાં કમલનાથની ગેરહાજરીથી અનેક તર્કવિતર્ક : પંજાબ અને રાજસ્થાનના મુખ્યમંત્રી હાજર છે access_time 3:29 pm IST

  • વર્લ્ડકપ : ટીમ ઈન્ડિયા પ્રથમ મેચ દક્ષિણ આફ્રિકા વિરૂદ્ધ રમશે : ૧૬ જૂને પાકિસ્તાન સામે ભારતીય ટીમ તેની સૌથી હાઈપ્રોફાઈલ વન-ડે મેચ રમશે : ભારત હોટફેવરીટ access_time 3:54 pm IST

  • જેટ એરવેઇઝના પૂર્વ ચેરમેન અને પત્નીને વિદેશ જતા અટકાવાયા: મુંબઈના ઇમીગ્રેશન સત્તાધીશોએ જેટ એરવેઝના પૂર્વ ચેરમેન નરેશ ગોયેલ અને તેની પત્નીને મુંબઇ એરપોર્ટ ઉપર વિદેશ જતા અટકાવ્યા છે access_time 9:13 pm IST