Gujarati News

Gujarati News

News of Friday, 25th May 2018

બહુમતી પરીક્ષણ પહેલા ભારે ધાંધલ : ભાજપનો વોકઆઉટ

ખેડૂતોના દેવા માફીની જાહેરાત કરવા માંગણી : કોંગ્રેસના રમેશકુમાર સર્વસંમતિથી સ્પીકર તરીકે ચૂંટાઈ આવ્યા : કર્ણાટકમાં હજુ રાજકીય ગરમી રહે તેવા સંકેતો

બેંગ્લોર, તા. ૨૫ : કર્ણાટક વિધાનસભામાં આજે મુખ્યમંત્રી એચડી કુમારસ્વામીએ બહુમતિ મેળવી લીધી હતી. આ ગાળા દરમિયાન ભારે ધાંધલ ધમાલ થઇ હતી. ભાજપના ધારાસભ્યોએ વોકઆઉટ કર્યો હતો. વિધાનસભામાં ભાજપના નેતા અને પૂર્વ મુખ્યમંત્રી યેદીયુરપ્પાએ કુમારસ્વામી ઉપર પ્રહારો કર્યા હતા. કુમારસ્વામીએ કહ્યું હતું કે, ૨૭મી મેથી રાજ્યવ્યાપી બંધ પાળવામાં આવશે. આ પહેલા વિધાનસભામાં ભાજપે છેલ્લી ઘડીએ સ્પીકર માટે પોતાના ઉમેદવારનું નામ પરત ખેંચી લીધું હતું. ત્યારબાદ કોંગ્રેસના રમેશકુમારને સર્વસંમતિથી સ્પીકર ચૂંટી કાઢવામાં આવ્યા હતા. આને ફ્લોર ટેસ્ટ પહેલા કોંગ્રેસ-જેડીએસ ગઠબંધન માટે જીત તરીકે જોવામાં આવી રહી હતી. કોંગ્રેસ જેડીએસ ગઠબંધન સરકારની સામે ભાજપ શાંતિથી બેસનાર નથી. યેદીયુરપ્પાએ કહ્યું હતું કે, અમે ઉમેદવારનું નામ પરત ખેંચી રહ્યા છે કારણ કે, અમે સ્પીકર પદની ગરિમા જાળવવા ઇચ્છુક છીએ. ફ્લોરટેસ્ટ મારફતે કુમારસ્વામીએ વિશ્વાસમત જીતી લીધો હતો પરંતુ સરકાર સામે આગામી દિવસો ખુબ પડકારરુપ રહી શકે છે. ૧૨મી મેના દિવસે મતદાન થયા બાદ ૧૫મીએ પરિણામ જાહેર થયા હતા.

ભાજપ સૌથી મોટી પાર્ટી તરીકે ઉભરી હતી. તેને ૧૦૪ સીટો મળી હતી પરંતુ બહુમતિના આંકડાથી આઠ સીટો પાછળ રહી ગઈ હતી. સાદી બહુમતિનો આંકડો ૧૧૨ હતો. સરકાર રચવા માટે તેને આમંત્રણ અપાયું હતું પરંતુ છેલ્લી ઘડીએ યેદીયુરપ્પાએ બહુમતિનો આંકડો ન મળતા રાજીનામુ આપી દીધું હતું. કોંગ્રેસની ૭૮ અને જેડીએસની ૩૭ સીટ રહેલી છે. બે અપક્ષ ઉમેદવારો પણ છે. આની સાથે તેમના કુલ ૧૧૭ ઉમેદવારો થયા છે.

(7:46 pm IST)
  • અમદાવાદ : EDએ એબીસી કોટ્સપીન પ્રાઈવેટ લિમિટેડની રૂ. 14.5 કરોડ લાખની સંપત્તિ જપ્ત કરી : કંપની અને તેના ડિરેક્ટર આશિષ જોબનપુત્રાએ મળીને 804 કરોડ રૂપિયાની છેતરપિંડી અમદાવાદની બેન્ક ઓફ બરોડા અને ગોંડલની સ્ટેટ બેન્ક ઓફ ઇન્ડિયા સાથે કરી હતી : અગાઉ આ મામલે સીબીઆઈએ કેસ કરેલો છે access_time 4:50 pm IST

  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા "વર્ષ 2014માં વિધાનસભા ચૂંટણીમાં ભાજપની ચુત્નેય કમિટીમાં મહત્વનું સ્થાન હતું ;ચૂંટણી ઢંઢેરા સમિતિ અને સ્ક્રીનિંગ કમિટીના ચેરમેન બનાવાયા હતા access_time 1:18 am IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST