Gujarati News

Gujarati News

News of Friday, 25th May 2018

કાર્લ માકર્સની હસ્તલિખિત નકલનું એક પેજ ૫,૨૪,૦૦૦ ડોલરમાં વેચાયુ

બિજીંગ તા. ૨૫ : કાર્લ માકર્સ સાથે સંકળાયેલી હસ્તપ્રતનું એક પાનું અહીં એક હરાજી દરમિયાન ૫,૨૪,૦૦૦ ડોલરમાં વેચાયુ હતું. ચીનના સરકારી સમાચાર પોર્ટલ દ્વારા બહાર પાડવામાં આવેલા એક અહેવાલ મુજબ સ્થાનિક વેપારી ફેંગ લુન દ્વારા આપવામાં આવેલી હસ્તપ્રત તેની પ્રારંભિક કીમત કરતાં ૧૦ ગણી વધારે કીમતે વેચાયું હતું. ચીનની સમાચાર એજન્સીના જણાવ્યા મુજબ આ અહેવાલમાં કહેવામાં આવ્યું છે કે, 'આ દસ્તાવેજ, કેપિટલ : ક્રિટિક ઓફ પોલિટિકલ ઈકોનોમીના ડ્રાફટ તરીકે સપ્ટેમ્બર ૧૮૫૦થી ઓગસ્ટ ૧૮૫૩ સુધી લંડનમાં જર્મનીના વિચારક અને ફિલોસોફરે લખેલા ૧૨૫૦ કરતાં વધારે પાનાનો એક ભાગ છે.'

આ હરાજી દરમિયાન કાર્લ માકર્સના સમકાલીન ફ્રેડરિક એંગ્લ્સથી સંબંધિત હસ્તપ્રત ૧૬.૭ લાખ યુઆનમાં વેચાઈ હતી. એન્જલ્સે કાર્લ માકર્સ સાથે 'કમ્યુનિસ્ટ મેનિફેસ્ટો' લખ્યું હતું. આ હરાજી એવા સમય દરમિયાન કરવામાં આવી છે, જયારે ચીન આ મહિને કાર્લ માકર્સની ૨૦૦મી જન્મજયંતિની ઉજવણી કરી રહ્યું છે.

(12:33 pm IST)
  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • મણિપુર અને પાંચ કેન્દ્ર શાસિત રાજ્યોમાં ઈ-વે બિલ પ્રણાલી લાગુ :રાજ્યમાં 50 હજાર રૂપિયાથી વધુના સામાનના પરિવહન માટે ઈ-વે બિલ જરૂરી બનશે :હવે રાજ્યની અંદર વસ્તુઓની હેરફેર માટે ઈ-વે બિલ પ્રણાલી 27 રાજ્યો સહીત કેન્દ્ર શાસિત પ્રદેશમાં લાગુ થઇ ગઈ છે :શુક્રવારે જે રાજ્યોમાં આ પ્રણાલી લાગુ કરાઈ તેમાં ચંદીગઢ,આંદામાન અને નિકોબાર દ્વીપ સમૂહ। દાદરાનગર હવેલી।દમણ અને દીવ અને લક્ષદ્વીપ સામેલ છે access_time 1:24 am IST