Gujarati News

Gujarati News

News of Friday, 25th May 2018

કર્ણાટક : મુખ્યમંત્રી બનવા કોંગ્રેસમાં લાઇનો લાગી!

વિશ્વાસનો મત જીત્યા પછી પણ 'કુમાર'ને શાંતિ નહિ રહે... : જોડાણ કેટલું ટકશે? : નાયબ મુખ્યમંત્રી પરમેશ્વર કહે છે, હજુ વિભાગોના વિતરણ અંગે અનિશ્ચિતતા છે

બેંગલુરૂ તા. ૨૫ : વિશ્વાસ મત પર મતદાન અગાઉ કર્ણાટકના ઉપમુખ્યમંત્રી જી પરમેશ્વરે કહ્યું છે કે કોંગ્રેસ-જેડીએસ ગઠબંધને એચ ડી કુમારસ્વામીના ૫ વર્ષ પૂરા રહેવા અંગે હજુ સુધી કોઇ ચર્ચા કરી નથી.

 

શું કુમારસ્વામી ૫ વર્ષ સુધી મુખ્યમંત્રી બની રહેશે એવું પુછવામાં આવેલા એક પ્રશ્નના જવામાં પરમેશ્વરે કહ્યું કે હજુ સુધી એ પણ નક્કી કરવામાં આવ્યું નથી કે કયો-કયો વિભાગ તેમને સોંપવામાં આવશે અને કયો વિભાગ અમારી પાસે રહેશે. તેમને ૫ વર્ષ સુધી રહેવાનું કે અમને પમ તક મળશે તે તમામ વિષયો પર હજુ સુધી ગઠબંધનની બેઠકમાં ચર્ચા કરવામાં આવેલી નથી.

શું મુખ્યમંત્રીનું પદ જેડી(એસ)ને ૫ વર્ષ માટે આપવાને લઇને કોંગ્રેસ સંતુષ્ટ છે તો પરમેશ્વરે કહ્યું કે ચર્ચા કર્યા બાદ આ અંગે નિર્ણય લેવામાં આવશે. અમારું મુખ્ય લક્ષ્ય રાજયમાં સુશાસન લાવવાનું છે.

શપથગ્રહણ અગાઉ કુમારસ્વામીએ આ ખબરોનું ખંડન કર્યું હતુ કે જેમાં કહેવામાં આવ્યું હતું કે તેમની પાર્ટી ગઠબંધન સહયોગી કોંગ્રેસની સાથે ૩૦-૩૦ મહિના માટે સરકારનું નેતૃત્વવાળા ફોર્મ્યુલા પર કામ કરી રહી છે. કુમારસ્વામીએ કહ્યું હતું કે આ પ્રકારની કોઇપણ વાતચીત થઇ નથી.

નેતાઓ વચ્ચે કોઇપણ પ્રકારના મતમેદ હોવાના ઇનકાર કરતા પરમેશ્વરે કહ્યું કે પદની માંગણી કરવી તે કાંઇ ખોટુ નથી. પરમેશ્વરે કહ્યું કે કોંગ્રેસ પાર્ટીમાં ઘણા નેતા છે જે ઉપ મુખ્યમંત્રી અથવા તો મુખ્યમંત્રી બનવાની ક્ષમતા ધરાવે છે.

આ કોંગ્રેસ પાર્ટીની તાકાત છે. જયારે અમે ગઠબંધન સરકારમાં છીએ તો આ વાતનો નિર્ણય કોંગ્રેસ હાઇ કમાન્ડે કરવાનો છે કે આ પરિસ્થિતિમાં કોને કયુ પદ સોંપવામાં આવે.

(11:48 am IST)
  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા "વર્ષ 2014માં વિધાનસભા ચૂંટણીમાં ભાજપની ચુત્નેય કમિટીમાં મહત્વનું સ્થાન હતું ;ચૂંટણી ઢંઢેરા સમિતિ અને સ્ક્રીનિંગ કમિટીના ચેરમેન બનાવાયા હતા access_time 1:18 am IST